20 Tetor 2021

Agjenda e Biden-it do t’i ndihmojë Ballkanit Perëndimor të dalë nga staginimi

Prishtinë, 14 tetor - Qendra Kosovare për Studime të Sigurisë (QKSS) sot ka publikuar raportin e saj të ri të titulluar “Agjenda e Biden-it: Si mundet administrata e re t’i ndihmojë Ballkanit Perëndimor të dalë nga staginimi”.

Raporti parashtron se Administrata e Presidentit Biden ka dhënë shenja se synon të përqendrohet në rajon duke vendosur një politikë të bazuar në vlera normative për të adresuar çështjet që e fuqizojnë rajonin dhe i ndihmojnë rajonit të ndërmarrë reforma dhe të arrijë progress në integrimin euroatlantik.

Një nga aspektet kryesore të këtij ri-angazhimi do të jenë çështjet e ndjeshme politike që e kanë mbajtur rajonin në ngërç, siç janë marrëdhëniet e ndërlikuara mes Kosovës dhe Serbisë dhe rreziku që Bosnja dhe Hercegovina të kthehet në një shtet krejtësisht të dështuar në zemër të Evropës.

Për më tepër, raporti argumenton se një element kyç i angazhimit të Washingtonit do të jetë koordinimi më i ngushtë me aleatët evropianë për të përfunduar çështjet e mbetura të hapura në Ballkanin Perëndimor. Por sfidat janë të mëdha dhe pritjet janë poashtu të mëdha.

Raporti poashtu trajton çështje të tjera të rëndësishme në kontekst të zhvillimit të mëtutjeshëm të rajonit siç janë: siguria energjetike në rajon, reagimi ndaj pandemisë COVID-19 në Ballkan Perëndimor, si dhe rritja e ndimit të akterëve autoritare siç janë Rusia dhe Kina në çështjet e mbrendshme e shteteve të Ballkanit Perëndimor.

Përveç të gjeturave kryesore përtej ketyre temave, raporti propozon një serë objektivash strategjikë që duhet të konsiderohen nga administrata e re në SHBA në menyrë që të ketë zhvillim dhe paqe të qëndruesheme.

 

Kalendari

Ngjarjet e datës 20 Tetor 2021  - Kryeministri Albin Kurti dhe ministrja e Ekonomisë Artane Rizvanolli, vizitojnë ndërmarrjen “Trepça”. (Zyra e menaxhmentit të “Trepçës”, Parku Industrial, ora 8:00)

- Komisioni për Buxhet, Punë dhe Transfere shqyrton Raportin Vjetor Financiar te Bankës Qendrore, Fondit të Kursimeve Pensionale, raportin e Qeverisë për Buxhetin e së Kosovës dhe Agjencisë për Krahasim dhe Verifikim të Pronës. (Ndërtesa e Kuvendit, salla C203, ora 10:00)

- Mbahet mbledhja e dhjetë e Komiteti për Politik dhe Financa e Komunës së Rahovecit. (Salla e mbledhjeve të Kuvendit Komunal të Rahovecit, ora 10:00)

- Lëvizja FOL vazhdon serinë e debateve FOL Hapur me Ministren e Ekonomisë Artane Rizvanolli. (Hotel Opera në Prishtinë, ora 11:00)

- Rektori i Universitetit të Prishtinës Naser Sahiti dhe Dimitrija Sekovski, përfaqësues i SKAT Consulting nënshkruajnë marrëveshje bashkëpunimi për implementimin e programit studimor Master në Menaxhimin e Integruar të Resurseve Ujore në Kosovë. (Rektorati i UP-së, ora 11:00)

- Koalicioni ad-hoc i organizatave të shoqërisë civile dhe aktivistëve mjedisor ju ftojnë në konferencën për media, ku do të njoftoheni me zhvillimet e fundit që ndërlidhen me paditë për shpifje të ushtruara kundër aktivistëve Shpresa Loshajt dhe Adriatik Gacaferi, nga kompania Kelkos si dhe operimet e kësaj kompanie në Deçan. (Para objektit të Qeverisë ish-Rilinjda, ora 13:00)

- Baleti Kombëtar i Kosovës mban konferencë për medie me rastin e Premierës së shfaqjes “Tanzminiaturen” & “Tangata” me koreografi nga Ricardo Fernando.  (Teatri Kombëtar i Kosovës, ora 13:00)