04 Dhjetor 2022

Votojini ato! Nënat, motrat e gratë tona

Shkruar nga Shqiprim Pula

Gjinia femërore, jo rrallë është përballur me sfida të natyrave të ndryshme kurdo që kanë kërkuar të përparojnë në karrierën e tyre apo të veprojnë në një fushë më të madhe socio-ekonomike dhe politike të shoqërisë tonë, ende patriarkale, në mendje dhe në thelb.  

Duke votuar për ato, kësaj here për kuvendet komunale, sigurohet që gratë të paktën të jenë zë për gratë, e po në të njëjtën kohë krijohet mundësia për ngritjen e zërit të tyre ndaj shqetësimeve të përditshme të të gjithë neve, shtyerjen përpara objektivave të reja që e pozicionojnë femrën më mirë qoftë në jetën publike institucionale, ashtu në familje, dhe marrja e vendimeve përmes votës së tyre në po të njëjtat kuvende anekënd komunave të Republikës, do t’a bëjë diferencën e së tashmës dhe të ardhmës.

Andaj, përmes votës tënde, qytetarë të Republikës së Kosovës, më 17 Tetor, 2021 shfaqe vullnetin, e trego dëshirën për përfshirje të tyre sa më tepër në vendim-marrje.   

Gjinia femërore, edhe për shkak të rrethanave të shpeshta kanë ngurruar të kërkojnë zë, dhe vend, në vendim-marrje.   

Vetëdijësimi sjell emancipim, e emancipimi sjell ndryshim e edhe zhvillim, pra, nënat, motrat e gratë tona, janë edhe gjysma e jonë, andaj, mbështesni e votojini tani ato.   

Gjinia femërore, sot, kanë bërë përparim të jashtëzakonshëm në çdo pore të jetës, dhe në vend se t'i shikojnë paratë apo pozicionin, siç, zakonisht e bëjnë burrat si shënuesit kryesorë të ‘suksesit’, gratë kanë prirje që t'i japin vlerë të lartë cilësisë së jetës në familje dhe kontributeve të tyre, duke prioritizuar të jenë të dobishme më shumë se sa të rëndësishme. Kështu që, nënat, motrat e gratë tona të cilat i gjejmë në listat e secilës parti, votojini ato.    

Nënat, motrat e gratë tona munden dhe dinë të mbajnë familjen, e po aq, duan dhe munden të bëjnë për shoqërinë dhe shtetin.

Madje edhe historia është dëshmitare, kujto burrat e dalluar të kombit nga jeta politike e kulturore, qysh në Nëntor 1908, në kongresin e Manastirit zgjodhi një grua, zonjën Parashqevi Qiriazi, në cilësi të sekretare e kongresit.

Ajo, më pas, shkroi himnin e alfabetit shqip dhe botoi abetaren me po atë alfabet. Kur shumë kombe gjithandej nëpër botë, nuk u’a njihnin madje as të drejtën e votës gjinisë femërore në vendet e tyre, qysh atëherë, ne, treguam pjekuri, fuqizuam gruan.   

Unë po, edhe ti, por edhe ata, ne së bashku, meqë i konsiderojmë nënat, motrat e gratë tona, shtylla të shtëpisë, përmes votës për to, pse mos t’i zgjedhim edhe shtylla të shoqërisë dhe të shtetit tonë.

Ato, votoji!.

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)