19 Janar 2022

Viti 2022 me mbrarësi në sponzorizimin e botimit të librave

Shkruar nga Ahmet Pllana

Shkrimtarët dhe poetët përmes krijimeve të tyre paraqesin kulturën e përgjithshme të një shoqërie.

Krijuesit paraqesin kulturën e një populli, andaj populli ngritet edhe përmes kulturës.

Çdo popull mburret me krijuesit e artit, me shkrimtarët dhe poetët e vet. Ata me krjimet e tyre vlerësohen nga opinion i gjerë, gjegjësisht lexuesit që janë kritiku më i mirë.

Mirëpo, në këtrë rast mbase është mirë të theksohet që poetët kryesisht jetojnë në kushte të vështira materiale, ndërsa të paktë janë ata që i kanë kushtet e mira materiale.

Sido që të jetë, krijuesit e artit letrar nuk ndalen dhe shkruajnë. Madje, ata me mjetet e veta botojnë libra, por me shumë vështirësi.

Ministria e Kulturës, Rinisë dhe Sportit dhe Drejtoritë për Kulturë të Komunave nuk po i ndihmojnë krijuesit letrar në shkallën e duhur dhe aq sa ata kanë nevojë.

Shpeshherë kërkesat e tyre për ndihmë për botimin e librave, nuk merren parasysh dhe nuk sponzorizohen botimet e librave të tyre. Në vitin që tashmë kemi hyrë, në vitin 2022, do të duhej që të ketë një qasje të re në sponzorizimin e librave të shkrimtarëve dhe poetëve.

Kjo qasje e re ka të bëjë me atë që për krijuesit letrarë, por edhe për krijuesit e arteve të tjera, të ndahen më shumë mjete financiare, që fondet e institucioneve përkatëse të rriten dhe në këtë mënyrë të ndihmohen krijuesit në botimin e librave.

Krijuesit letrar janë një kategori e shoqërisë si të gjithë njerëzit, por që dallohen me punën që bëjnë në zgjërimin e dijes dhe kulturës përmes veprave të tyre.

Andaj, mu për këtë çdo shtet krenohet me ta. Krijuesit janë ata që me veprat e tyre mundohen që çdoherë të japin vetëm mesazhe të mira dhe pozitive për shoqërinë, pra, japin mesazhe jete, shprese, optimizmi dhe dashurie për njerëzit dhe jetën.

Ndërkaq, në anën tjetër japin mesazhe kundër urrejtjes, xhelozisë, smirës, të zezës, zhgënjimit, pesimizmit, etj., sepse njeriu në jetë nuk duhet të ketë urrejtje ndaj askujt, pra, të mos ketë urrejtje mes njerëzve dhe mos ta shantazhojnë njëri tjetrin në asnjë mënyrë dhe madje as në rrjetet sociale, siç po ndodhë shpeshherë kohëve të fundit.

Krijuesit letrarë janë shtresë e lënë pas dore, kur merret parasysh se ata shpenzojnë muaj dhe vite për ta botuar një libër.

Megjithatë, ata bëjnë më të mirën dhe më të mundshmen që dijnë, pra e bëjnë pozitiven dhe pozitivitetin, duke i shprehur mendimet e tyre në veprat e tyre letrare.

Shkrimtarët dhe poetët janë ata që nuk kanë asnjë nga sjelljet jo adekuate dhe jo njerëzore dhe jo me veset e shëmtuara.

Përndryshe, çfarë kuptimi ka kur krijuesi të tjerëve u jep mesazhe të mira dhe pozitive, derisa vet nuk është i tillë?! Krijuesit janë kategori e artit e një shoqërie të ngritur kulturalisht.

 Shoqëria duhet të respektojë dhe të vlerësojë të gjithë shkrimtarët dhe poetët, sepse ata janë pjesë e vlerësuar e shoqërisë, janë pjesë e vlerësuar e një kombi.

Ata dhurojne dije dhe kulturë me botimet e tyre. Andaj, mu për këtë arsye institucionet relevante do të duhej që të ndihmojnë, përkatësisht sponzorizojnë krijuesit letrarë në botimet e librave të tyre.

Të shpresojmë që ky vit 2022 të jetë i mbarë dhe i kuptuar mirë e drejtë me një qasje të re të favorshme nga institucionet përkatëse të kulturws, të cilat do të duhej të ndihmonin krijuesit letrarë, duke i sponzorizuar librat e tyre.

Investimi në këtë drejtim është me vlera dhe investim i cili kthehet në shoqëri me një bagazh të përmbushjes së vitrinave të bibliotekave dhe vitrinave familjare dhe individuale. Të shpresojmë se ky vit do të jetë i mbarë në këtë drejtim.   

Kalendari

Ngjarjet e datës 19 janar 2022

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Projektligjin për ndryshimin dhe plotësimin e Ligjit për Shitjen e Banesave për të cilat ekziston e Drejta Banesore, shqyrton raportin e grupit punues në lidhje me zbatimin e mbikëqyrjes së Ligjit për përgjegjësinë disiplinore të gjyqtarëve dhe prokurorëve, etj. (Ndërtesa e Kuvendit, salla N303, ora 10:00)

- Instituti i Kosovës për Drejtësi me përkrahje të Departamentit të Shtetit Amerikan - Byrosë Ndërkombëtare për Çështje të Narkotikëve dhe Zbatimit të Ligjit dhe NED-it mban konferencë për media në të cilën do të prezantohet analiza me titull “Konfiskimi i pasurisë së pajustifikueshme: problemet juridike të Projektligjit aktual”. (Hotel Sirius, ora 10:00)

- Komisioni për Shëndetësi dhe Mirëqenie Sociale shqyrton draft raportin e monitorimit të Ligjit për Shëndetin Mendor dhe diskuton për punën e Këshillit për Objektivat e Zhvillimit të Qëndrueshëm. . (Ndërtesa e Kuvendit, salla N302, ora 10:00)

- Komisioni për Mbikëqyrjen e Financave Publike inicon procedurat lidhur me auditimin e raporteve vjetore financiare dhe raportet e deklarimit financiar të fushatës, së subjekteve politike, për vitin 2021. (Ndërtesa e Kuvendit, salla N10, ora 10:00)
 
- Lëvizja FOL vazhdon serinë e debateve FOL Hapur me Ministren e Industrisë, Ndërmarrësisë dhe Tregtisë, Rozeta Hajdari. (Hotel Sirius, ora 11:00)

- The British School of Kosova organizon shfaqjen edukativo - arsimore për fëmije  "Mushkonjat dhe Princi". (Teatri "Faruk Begolli" në Kolegjin AAB, ora 11:00)

- Administrata Tatimore e Kosovës mban ceremoninë e themelimit të 22 vjetorit të saj në të cilën do të marrin pjesë Ministri i Financave, Punës dhe Transfereve Hekuran Murati dhe drejtues nga odata ekonomike, përfaqësues nga institucionet ndërkombëtarë, si dhe përfaqësues nga organizatat e kontabilitetit. (Qendra e Shërbimit për Tatimpagues, ish-ndërtesa e Gërmisë, sheshi Skënderbeu, ora 14:00)

- Në kuadër të manifiestimit 'Flaka e Janarit' hapet ekspozitë memoaresh e kujtimesh "Dhoma e Kadriut, Jusufit dhe Bardhoshit". (Muzeu Etnologjik i qyteti të Gjilanit, ora 16:00)

- Partia Socialdemokrate do të mbaj tubim me qytetarë ku do të shpaloset Manifesti - dokumenti i parë i partisë. (Hotel Grand, ora 17:00)