06 Dhjetor 2022

Vështrim mbi librin me poezi për fëmije ”borë, moj borë”, nga Monada Hamitaj

Shkruar nga Fatmir Halimi

Më në fund në letërsinë për fëmijë po vjen një zë i fuqishëm, siç është Monada Hamitaj nga New Yorku i largët i Amerikës.

Autorja Monada Hamitaj, pas botimit të veprës letrare për fëmije me tregime të shkurtra dhe me ilustrime “Pushverdhi kërkon Nënën", ajo tash po paraqitet para lexuesve edhe me një vepër tjetër poetike për fëmijë ”Borë, moj borë”, e cila vjen si një buqetë lule për fëmijë, si një nektar, ku çdo fëmijë i vogël mund ta ndjejë aromën dhe ëmbëlsinë e vargut të saj.

Vargun e saj më të vegjlit do ta përqafojnë natyrshëm, të cilët ka dekada që kanë mbetur në stihinë e kohës, ku shkrimtarët tanë për fëmijë sot janë të paktë dhe po ashtu  u ofrojnë shumë pak vepra letrare.

E them këtë sepse të shkruash për fëmije është lloji më i vështirë i poezisë apo edhe i prozës, sepse për të qenë krijues për fëmijë duhet t’i kemi parasysh disa kritere:

a)    Së pari, autori duhet të zvogëlohet me botën e tij imagjinare e krijuese dhe të futet në botën e vogël të fëmijëve

b)    Së dyti  loja është pjesë e botës së fëmijëve, ku edhe vargu nuk bënë pa të


c)    Së treti krijimi letrar duhet të jetë i përshtatshëm dhe konform ëndrrave, imagjinatës dhe dëshirave që kanë fëmijëve.Prandaj mund tw them sot se të

gjitha këto që i cekëm i gjejmë në vargun e poetes tonë Monda Hamitaj.    

Edhe pse libri për fëmijë ka motive të ndryshme, ka situata dhe momente të llojllojta të fëmijëve, vepra e ruan kontinuitetin tematik e përmbajtësor.

Trajton, shtjellon botën e brendshme të tyre, si ëndrrat për të tashmen e të ardhmen me një ndjesi të hollë lirike.

Autorja shumë natyrshëm futet edhe në gëzimin, lumturinë e në lojën e tyre edhe kur këto na i paraqet përmes personazheve fiksionale si të Gonit, Inës, Sarës, Relës, të cilët i gëzohen ardhjes së pranverës, këngës së zogut në dritare, lulëzimit të natyrës, ardhjes së dimrit e të tjera.

Përgjatë gjithë veprës, vërehet se autorja, krijimet e saja i ka shkruar në periudha dhe momente të ndryshme kohore, por që e ruajnë çdoherë lidhshmërinë e tyre ideore.      

Vepra fillon me poezinë për macen Mace eja, mos bëj naze, ku çdo fëmijë ka dëshirë që atë ta ketë pranë dhe të luaj më të:

“Mja –mjauuu” mjaullinë
Zëri i saj mua më zgjon
I shkoj pranë me nxitim  
Për në shtëpinë time e ftoj.

Përveç tjerash poezitë e Mondës janë edhe shumë edukative, siç është poezia Rela i do librat fort, ose edhe poezia përmbyllës e librit si, Fajin jo, mos e mbulo:

 Pastaj ashtu i përlotur
Nënës fajin ja tregoi
Nëna Gonin e qortoi:
"Fajin kurrë mos e mbulo!"

Për fund kjo poete me vargun brilant të saj, me fuqinë e fjalës së bukur artistike hyn tërësisht në botën e fëmijëve, të cilën botë vetëm ata e kuptojnë.


Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)