25 Maj 2022

Takimet letrare, ngjarje kulturore me vlera të shumta

Shkruar nga Ahmet Pllana

Takimet poetike janë evente kulturore me vlera të shumta, të cilat pos që aty fizikisht paraqiten krijuesit letrarë dhe shihet ndjesia e artit, kanë edhe vlera në lidhjen e urave mes qyteteve dhe krijimin e miqësive të reja.

Krijuesit letrarë, shkrimtarët dhe poetët, shpeshherë takohen nëpër eventet kulturore poetike, përkatësisht nëpër takimet letrare, ku aty njihen mes veti dhe krijojnë dhe forcojnë miqësi mes tyre.  

Shpeshherë poetët dhe shkrimtarët lodhen nga udhëtimet që bëjnë me qindra kilometra për të marrë pjesë në evente letrare, ndërsa shpenzojnë para për udhëtime, për ushqime dhe pije, për fjetje në hotele.

Pra, pjesëmarrja e tyre në takimet letrare u kushton. Askush nuk i mbulon këto shpenzime të tyre. Ata krijojnë ura lidhëse mes njerëzve dhe kulturave, por njëkohësisht krijojnë edhe ura miqësie edhe përmes qyteteve.

Miqësia midis tyre dhe midis njerëzve të tjerë apo thënë më mirë midis lexuesve është rritur çdoherë, sepse këtë e kanë krijuar eventet kulturore kudo që janë mbajtur, qoftë në Kosovë, Shqipëri, Maqedoni të Veriut, Mal të Zi, Kosovë Lindore, etj.  

Kjo është shumë pozitive për të gjithë. Poezitë dhe fragmentet e prozës që lexohen nëpër eventet letrare, shprehin art dhe kulturë, por njëkohësisht edhe kënaqësi për pjesëmarrësit. Mu për këtë arsye shumë vlerësohen takimet letrare, duke përmbushur kulturën në përgjithësi të një vendi, të një lokaliteti, të një shoqërie.

Andaj, me të drejtë kërkesat e tyre për takime letrare me aplikacione në formë projekti do të duhej të përkraheshin dhe të mbështeteshin nga institucionet relevante të kulturës. Së pakut të mbulohen shpenzimet e rrugës dhe ushqimit, ndërsa për ata që janë larg edhe të fjetjes.

Ju lumtë poetëve që udhëtojnë me mjetet e veta madje deri në 300 kilometra larg për të marrë pjesë në takimet poetike, sikurse nga Prishtina në Tiranë, Durrës, Shkodër, Elbasan, Lushnje, Korçë, Gjirokastër, Pogradec, etj., ose anasjelltas nga Tirana në Prishtinë, Prizren, Pejë, Vushtrri, Mitrovicë, Gjilan, Ferizaj, etj. Takimet letrare janë ngjarje kulturore me vlera të shumta, andaj do të duhej që të mbështeteshin materialisht.

 
 

Kalendari

Ngjarjet e datës 26 maj 2022

- Mbahet mbledhja e Kuvendit të Komunës së Gjilanit. (Salla e mbledhjeve të Kuvendit të Komunës së Gjilanit, ora 9:00)


- Oficerë të lartë nga Kroacia dhe Shqipëria që ishin pjesë e UÇK-së bëjnë homazhe te varrezat e dëshmorëve në Landovicë. (Landovicë, ora 9:30)

- Mbahet seanca plenare e Kuvendit të Republikës së Kosovës.  (Kuvendi i Kosovës, ora 10:00)

- Mbahet mbledhja e radhës e Këshillit Komunal për Siguri në Bashkësi për vitin 2022, nën udhëheqjen e Kryetarit të Prishtinës, Përparim Rama. (Objekti i vjetër i Komunës së Prishtinës, ora 10:00)

- Komisioni Qendror i Zgjedhjeve organizon punëtorinë me organizatat e Shoqërisë Civile, me temën, “Bashkëpunimi me organizatat e Shoqërisë Civile në edukimin dhe informimin e votuesve në të ardhmen”. (Hotel Emerald, ora 10:00)

- EC Ma Ndryshe dhe Organizata e Personave me Distrofi Muskulore e Kosovës organizojnë aktivitetet që do të mbahen për nder të shënimit të ”Javës së Distrofisë 2022”. (Para Administratës Komunale në Prizren, ora 10:00)

- Komuna e Rahovecit bën homazhe në varrezat e dëshmorëve: Bekim Sylka, Besim Kabashi dhe Avni Thaçi. (Rahovec, ora 10:30)

- Oficerë të lartë nga Kroacia dhe Shqipëria që ishin pjesë e UÇK-së bëjnë homazhe te Lapidari i Dëshmorëve në Gorozhup. (Gorozhup, ora 10:30)

- Komuna e Rahovecit bën homazhe në vendin e rënies së dëshmorit të kombit Bekim Sylka në Hamoc. (Hamoc, ora 11:00)

- Një grup i qytetarëve protestojnë për lejimin e tërheqjes së 30 për qind të mjeteve të Trustit. (Para ndërtesës së Qeverisë, ora 12:00)  

- Oficerë të lartë nga Kroacia dhe Shqipëria marrin pjesë në shënimin e përvjetorit të Operacionit Shigjeta. (Majen e Pashtrikut, ora 12:00)

- Mbahet ceremonia solemne e nderimit me çmimin “Honor Degree - Excellence Leadership Award” të dy personaliteteve të shquara nga Shtetet e Bashkuara të Amerikës, Jim Xhema dhe  Christopher Hyland. (Kampusi i UBT-së, Lipjan, tek QMI, ora 14:00)

- Zhvillohet ndeshja finale Drita- Llapi. (Stadiumin “Fadil Vokrri” në Prishtinë, ora 20:00)