09 Dhjetor 2022

Paratë e bardha për ditë të zeza

Shkruar nga Ali Mehmeti

Pas dëmtimit të gazësjellësit “Rrjedha veriore 1 dhe 2”, dhe pas dëmtimit të urës strategjike ruse që lidh Krimenë me Rusinë, sikur ka filluar eskalimi i luftës edhe jashtë vijave të frontit, në fusha të ndryshme, por kryesisht mbi infrastrukturë.

Sipas ekspertëve të huaj para nesh janë rreziqet e mëdha: është në rrezik gazsjellësi sapo i lëshuar mes Norvegjisë dhe Polonisë, kabllot nënujore për telekomunikacion, internet dhe energjetik, sulme kibernetike, largpërçuesit .... të cilat shtrihen në sipërfaqe dhe gjatësi të mëdha, që i bëjnë të pa mbrojtshme në çdo pikë dhe ku vështirë zbulohet autori.

Këtë parashikim, sikur e paralajmëron edhe sulmi i djeshëm masiv, mbi infrastrukturën energjetike të Ukrainës.  

Nëse kësaj i shtojmë edhe faktin se në zgjedhje në Republika Srpska, për anëtare të Kryesisë së BH fitoi një “ushtare” e Dodikut, Zhelka Cvijanoviq, kurse për kryetar të Republika Srpskës fitoi vet Dodiku, përkundër faktit që kundërkandidaten e tij, Jelena Triviq e kishte përkrahur edhe vet Vuçiqi.

Edhe pse opozita po e konteston fitoren e Dodikut, vështirë se mund të ndryshoj diçka, ehe nëse përsëriten zgjedhjet.

Përkrahja që Vuçiqi i dha kundërkandidatës së Dodikut, sikur paraqet çarjen e parë me Dodikun, i cili po i del nga kontrolli, i cili publikisht po deklarohet për “putinist” dhe të cilin plotësisht e kontrollon Putini, kurse Vuçiqi, sikur ka filluar të ndryshoj kursin nën presion dhe kërcënim me sanksione ekonomike.  

Kur kësaj i shtohet edhe “mirëkuptimi” i heshtur i Dodikut me kroatët e BH-së, për ta shqyer BH-në dhe për të grabitur nga një copë tokë, nga njëra anë dhe, nga ana tjetër dëshirën e Putinit për ta “decentralizuar” konfliktin në Ukrainë, mund të thuhet se në BH nuk priten ditë të mira, nëse në ndërkohë nuk frenohet veprimtaria subversive e Dodikut, me heshtje e përkrahur edhe nga kroatët.

Për raportet Kosovë-Serbi as që duhet të flitet, ku si gjithnjë, mjafton një provokim nga Serbia i cili mund ta destabilizoj situatën.

Siç shihet, as situata në regjionin tonë as ajo larg nesh, e cila po ashtu ka ndikim direkt tek ne, vështirë mund të parashikohet dhe bartë rreziqe të mëdha.

Nëse vërtet ndodh bartja e konfliktit jashtë territorit të Ukrainës, në çfarëdo forme, sipas parashikimeve të ekspertëve të huaj, siç ndodhi me gazësjllësin e lartëpërmendur apo urës së Krimesë, mund të përballemi me situata të paimagjinueshme, jo vetëm me mungesë të energjisë elektrike.

Prandaj, kur “rrahmonat” dhe jo vetëm, flasin për 700-800 milion euro në arkën e shtetit dhe kërkojnë që ato të bëhen “rrush e kumbulla”, sipas zakoneve të vjetra, është evidente që nuk shohin më larg se hunda e tyre.      
 
Paratë e bardha për ditë të zeza – ka thënë Urtari.      

 

Kalendari

Ngjarjet e datës 9 dhjetor 2022 - Kryeministri i Republikës së Kosovës, Albin Kurti, presidentja Vjosa Osmani-Sadriu dhe kryetari i Kuvendit, Glauk Konjufca, marrin pjesë në dëgjimin publik për Projektligjin për Liritë Fetare. (Ndërtesa e Qeverisë, ora 9:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Raportit për Projektligjin Agjencinë Kosovare për Krahasim dhe Verifikim të Pronës, Projektligjin për Bujqësi dhe Zhvillim Rural, etj. (Ndërtesa e Kuvendit, salla N302, ora 9:30)

- Komisioni për të Drejtat dhe Interesat e Komuniteteve dhe Kthim shqyrton Projektligjin për parandalimin dhe kontrollin e integruar të ndotjes, me raport amendamente të Komisionit funksional për Mjedis, Ushqim, Bujqësi, Planifikim dhe Zhvillim, etj. (Ndërtesa e Kuvendit, salla N10, ora 9:45)

- Instituti i Kosovës për Drejtësi organizon konferencë për media, ku do të publikohet raporti me titull “Qeverisja me duar të pastërta”, raport ky mbi deputetët, ministrat dhe kryetarët e komunave, të cilët kanë probleme me ligjin. (Hotel Sirius, ora 10:00)

- Gjykata Kushtetuese organizon “Ditën e Gjykatës së Hapur” në shënim e Ditës Ndërkombëtare të të Drejtave të Njeriut. (Gjykata Kushtetuese, ora 10:00)

- Për të shënuar 9 dhjetorin, Ditën Ndërkombëtare kundër Korrupsionit, Koalicioni i Organizatave të Shoqërisë Civile dhe Mediave, do të mbajnë një konferencë me temën “Fuqizimi i Kapaciteteve të Shoqërisë Civile për luftimin e korrupsionit”. (Hotel Sirius, ora 10:00)

- Kuvendi i Republikës së Kosovës vazhdon seancën plenare. (Kuvendi i Kosovës, ora 10:00)

- Ministrja e Drejtësisë, Albulena Haxhiu bashkëbisedon me studentët e Kolegjit AAB për temën mbi dhunën në bazë gjinore. (Kolegji AAB, ora 10:30)

- Rreth 60 punëtor teknik dhe ata te sigurimit fizik qe punojnë në Qendrat e Mjekësisë Familjare disa shkolla te Prishtinës  do te protestojnë me kërkesën për rritje të pagave. (Para komunës se Prishtinës, ora 11:00)

- Këshilli Rinor Kosovar organizon Kuvendin Zgjedhor të Këshillit të Nxënësve të Kosovës në nivel vendi. (Amfiteatri i Ministrisë së Drejtësisë, ora 13:00)

- Instituti i Kosovës për Drejtësi organizon aktivitet me studentët e Klinikës Ligjore të IKD– së, ku do të bëhet prezantimi i shpalljes së simuluar të një aktgjykimi të një rasti të korrupsionit. (Sheshi Skënderbeu në Prishtinë, ora 13:30)

- Lidhja Demokratike e Kosovës mban konferencë për medie. (Selia qendrore e LDK-së, ora 13:30)

- Ministrja e Drejtësisë, Albulena Haxhiu merr pjesë në një tryezë me gratë në Komunën e Mitrovicës. (Restaurantin "Va Piano", ora 15:00)

- Me rastin e 5 vjetorit të ndarjes nga jeta të artistit, Blerim Peci, Komuna e Mitrovicës, në bashkëpunim me artistë, familjarë e miq të ish të ndjerit organizojnë takimin përkujtimor për të ndarë së bashku kujtime të bukura e të pashlyeshme për të. (Qendra e Kulturës "Rexhep Mitrovica", ora 17:00)

- Ministrja e Drejtësisë, Albulena Haxhiu merr pjesë në shfaqjen e filmit "Zgjoi". (Kino Armata, ora 17:00)