02 Dhjetor 2022

Libër me tregime edukative nga jeta

Shkruar nga Ahmet Pllana

Libri me tregime me titull “Somnobulë në pikë të ditës” i autorit Sadik Përvetica i ka 36 tregime me 134 faqe, të cilat janë mjaft interesante dhe zgjojnë kërshëri për t’i lexuar, meqë kanë përmbajtje domethënëse dhe edukative tw motivuara nga jeta dhe pwr jetwn.

Secili tregim dallon nga tregimi tjetër nga ana e përmbajtjes, mirëpo stili dhe narracioni i të shkruarit thuaja se është i njejtë. Autori me këtë libër, si edhe me librat e mëhershëm, shpreh talentin e tij për të shkruar prozë. Tregimet e këtij libri dallojnë në përmbajtje, por nuk dallojnë në stilin e të shkruarit.

Autori me librin e tij më të ri “Somnobulë në pikë të ditës” (deri më tani ka botuar 20 libra, ky është libri i 21-të i tij), dëshmon se ka krijuar një origjinalitet të vetin të të shkruarit, duke krijuar një art me mesazhe dhe këshilla, të cilat i nevojiten njeriut në jetën e përditshme.

Tregimet e këtij libri të shkruara nga Përvetica janë të lehta, të kapshme, të këndshme për t’u lexuar, nuk janë të gjata dhe madje lexohen, siç thuhet, “me një frymë”.
Ajo çka është më interesante të thuhet, është se te tregimet e Përveticës gjejmë një të shkruar të pastër, të çiltër, konciz, me një konkretësi dhe qartësi, që kuptohen lehtë dhe nuk të bëjnë që ta lodhësh shumë kokën për ta kuptuar ngjarjen.

Madje, diçka shumë e bukur që dallohet në këto tregime është se shpeshherë, thuaja se gati në çdo tregim, ka elemente të humorit, të një humori të lehtë, por ka raste kur një humor i tillë të bën madje të qeshësh me zë.

Kjo është karakteristikë e tregimeve të Përveticës, ngase ai di shumë bukur të thur apo mbarështrojë edhe humorin në tregimet e tij, gjë që e bën më të lehtë leximin e tregimeve dhe nuk krijojnë monotoni gjatë të lexuarit.

Leximi i një tregimi zgjon kurreshtjen tek lexuesi, andaj atë e shtyn që të vazhdojë tutje me leximin e librit dhe tregimeve që vijnë në radhë. Aq janë tërheqëse tregimet e Përveticës, sa që posa ta lexosh tregimin e parë të librit, lexuesin e nxit për lexim të tregimit të dytë, të tretë dhe më tutje.

Tregimet e Përveticës nuk kanë mbingarkesa me përshkrime të detajeve, por autori menjëherë futet në fokusin e ngjarjeve, duke e ditur se lexuesit më tepër i interesojnë ngjarjet se sa përshkrimet e detajeve.

Sido që të jetë, tregimet e autorit në fjalë janë tejet interesante dhe tërheqëse, të cilat gjithmonë e kanë një mesazh të mirë dhe një përfundim të mirë. Lirisht mund të thuhet se tregimet e Përveticës janë një narracion artistik me nivel të lartë, janë një prozë me shumë nuanca arti dhe fare pak dallon nga proza e shkrimtarëve të Shqipërisë.

Autori këtë e arrin edhe duke e përdorur gjuhën e njësuar letrare, sipas standardeve të gjuhës shqipe. Pra, me një gjuhë të pastër letrare, por edhe artistike autori ecë tutje me rrjedhshmërinë e tregimeve.

Autori Përvetica ka një talent të rrallë për të shkruar prozë, por në veçanti për të shkruar tregime, sepse ai dinë si të fillojë tregimin, si ta shtjellojë ngjarjen dhe si ta përmbyll tregimin.

Ai këtë e bën me në mjeshtëri të rrallë. Secili tregim është botë më vete, ka ngjarje të ndryshme dhe çka është më e rëndësishmja, secili tregim të mëson diçka të re, të jep njohuri për jetën dhe sfidat, vështirësitë dhe sprovat që mund t’i ndodhin njeriut gjatë jetës së tij.

Mirëpo, në anën tjetër lexuesin e bëjnë të mendojë thellë dhe e shtyjnë të bëj analiza me kokën e vet për të gjitha mesazhet që i jep secili tregim që pastaj ai, pra lexuesi, t’i inkorporojë në jetën e tij të gjitha ato që janë pozitive, kurse t’i largojë të gjitha ato që janë negative.

Libri me tregime “Somnobulë në pikë të ditës” i autorit Sadik Përvetica, u botua këto ditë, andaj e meriton dhe do të ishte mëkat që ky libër i mrekullueshëm të mos jetë në duart e lexuesve.

 

Kalendari

Ngjarjet e datës 2 dhjetor 2022

- Grupi i Miqësisë me Mbretërinë e Bashkuar takohet me delegacionin nga Parlamenti i Mbretërisë së Bashkuar. (Ndërtesa e Kuvendit, salla C301,ora 9:15)

- Ministrja e Drejtësisë, Albulena Haxhiu, nesër në kuadër të fushatës globale "16 Ditët e Aktivizmit Kundër Dhunës me Bazë Gjinore" do të lansoj Kurrikulën për Programet e Trajtimit të Dhunës. (Hotel Sirius, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyron Projektligjin për Zyrtarët Publik dhe Projektligjin për Pagat në Sektorin Publik. (Ndërtesa e Kuvendit, salla N506, ora 10:00)

- Ministria e Bujqësisë, Pylltarisë dhe Zhvillimit Rural organizon konferencën me donatorët për sektorin e bujqësisë me titull "Orientimet Strategjike për Zhvillimin e Sektorit të Bujqësisë, Pylltarisë dhe Zhvillimit Rural”. (Hotel “Swiss Diamond”, ora 10:00)

- UNFPA Zyra në Kosovë organizon trajnim me gazetarë që do të trajtoj temën e menaxhimit të krizave të komunikimit, si dhe raportimin medial lidhur me Regjistrimin e popullsisë. (Prishtinë, ora 10:00)

- Komisioni për Punë të Jashtme dhe Diasporë takohet me delegacionin nga Parlamenti i Mbretërisë së Bashkuar. (Ndërtesa e Kuvendit, salla C301, ora 10:30)

- Në kuadër të Festivalit Ndërkombëtar të Filmit “Art Without Limit International Film Festival” mbahet programi i për fëmijë, ku do të shfaqen filmat e animuar me pjesmarrës nxënësit e disa shkollave të Prishtinës dhe Lipjanit ku dhe do të ketë performancë me titull “Terapia muzikore” nga qendra burimore “Përparimi” në Prishtinë dhe një performancë nga një këngëtare e re Tirana e cila është anëtare e Down Syndrome në Tiranë! (Kino Armata, ora 11:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston Alpin Dogan, Kryeshef Ekzekutiv në KEDS; Serhat Mesut Dinc, Kryeshef Ekzekutiv në KESCO dhe  Alper Erbas, Kryeshef Ekzekutiv në KEDS për periudhën 2019-2021. (Ndërtesa e Kuvendit, salla N204, ora 13:00)
 
- Shefi i misionit përcjellës të zgjedhjeve të Bashkimit Evropian, Lukas Mandl, së bashku me ambasadorin e BE-së, Tomáš Szunyog, do të mbajnë një konferencë për shtyp për të prezantuar gjetjet preliminare dhe konkluzione mbi gjendjen e zbatimit të rekomandimeve të Misionit të BE-së për Vëzhgimin e Zgjedhjeve 2021. (Hotel Sirius, ora 14:15)

- Organizata jo-qeveritare "You Can Do" organizon ngjarjen "Darka e Erret" ku zyrtar lokal edhe ndërkombëtar , profesorë e aktivistë do të darkojnë në erresirë totale dhe te diskutojnë rreth pozites se personave me aftesi te kufizuar në shoqëri dhe hapat konkret qe duhet te ndermeren për ketë komunitet. (Restaurant LUXOR në magjistralen Prishtinë - Obiliq, ora 17:00)