06 Dhjetor 2022

Kreditë në kohën e pandemisë

Shkruar nga Ahmet Pllana

U bë gati një vit (nga gjysma e marsit e vitit 2020) kur u aplikuan masat kufizuese nga Qeveria e Kosovës për të parandaluar përhapjen e pandemisë.

Këto masa kufizuese kanë ndikuar që të mbyllen shumë lokale e biznese dhe të kenë humbje, por edhe mbetjen pa punë të punëtorëve.

Mbetja pa të ardhura ka bërë që të dobësohet aftësia paguese dhe e blerjes e qytetarëve dhe bizneseve.

Kreditë në përgjithësi janë të mirëseardhura në kohë krizash dhe bëjnë për të tejkaluar situatat aspak të këndshme, sa i përket gjendjes materiale, qoftë të individëve, të familjeve apo të bizneseve.

Edhe në kohë pandemie kreditë janë të mirëseardhura, por sa janë të realizueshme këta hapa konkret nga sektori bankar, mbetet të shihet se sa ato janë të gatshme për dhënie kredish.

Bankat për dhënie të kredive gjithmonë mbështetën në besimin e kthimit të kredive, andaj kjo bën që shumë biznese dhe familje të mos realizojnë kreditë e tyre të planifikuara për dalje nga krizat, sepse nuk arrijnë t’i plotësojnë kriteret që u parashtrohen.

Sektori bankar gjithmonë ka pasur dhe vazhdon ta ketë rolin e saj në rimëkëmbjen ekonomike të Kosovës, andaj sektori bankar stabil e ka ndihmuar ekonominë edhe gjatë kohës së pandemisë.

Ky sektor ka kapacitet të luaj rol kyç për rimëkëmbje ekonomike në këtë kohë pandemie. Bankat kanë dhënë kredi mbi 1.5 miliardë euro gjatë pandemisë, ndërsa ka rënie të normave të interesit bankar dhe kjo ka ndihmuar shumë bizneset.

Në Kosovë kreditë e këqija, përkundër pandemisë, janë të vogla me vetëm 2.7 për qind. Sektori financiar stabil krijon mundësi që të përballohen shumë më lehtë problemet që krijohen si pasojë e pandemisë.  

Nëse vaksinimi për mbrojtje nga covid 19 shkon me sukses, atëherë gjasat për përhapje të virusit korona janë më të vogla, kështu që ekonomia dhe bizneset do të kthehen në binarët e normales, por edhe jeta do të kthehet në jetë normale dhe atëherë rritja ekonomike pritet që në fund të vitit të jetë 4%.

Kreditë për biznese do të duhej të jepeshin në mënyrë që të tejkalohet gjendja e vështirë e krijuar, si pasojë e pandemisë.

Qeveria e ardhshme duhet të ketë në fokus zhvillimin ekonomik të vendit, me pakon për rimëkëmbje, me investime, me përkrahjen e bizneseve me lirim nga tatimet e ndryshme, me hapjen e vendeve të punës. 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)