06 Dhjetor 2022

“Ecje nëpër kujtime”, libër me vlerë kulturore, faktografike dhe dokumentare

Shkruar nga Murteza Osdautaj

Adem Lushaj, një gazetar i njohur i komunës së Deçanit, me përmbledhjen e tij të beletristikes dhe publicistikes, paraqitet në kulmin e pjekurisë së tij intelektuale. Ai, në librin e tij ka përmbledhur punimet më të mira që i ka shkruar gjatë viteve, në punën e tij prej gazetari.

Reportazhet e përmbledhura këtu, udhë përshkrimet dhe intervistat me personalitete të njohura, sjellin para lexuesve një kombinim të përmbajtjeve në rend të parë, njohëse dhe, në rënd të dytë letrare, artistike dhe publicistike.

Po kështu, edhe shkrimet ditore që janë renditur në fund të librit, paraqesin një lloj kronike lidhur me ngjarjet kryesore në komunën e Deçanit, brenda disa viteve gjatë të cilave,  Lushaj, punon si gazetar i gazetave dhe portaleve të ndryshme në Kosovë.

Në aspektin stilistik dhe gjuhësor, dua të ceki se shkrimet e përmbledhura në libër, janë shkruar me kujdes të veçantë gjuhësor që e bëjnë autorin një njohës të mirë të gjuhës, por edhe një përdorues me kompetencë të lartë të saj. Sidomos, kjo shkathtësi, vërehet në shkrimet tematike, siç janë: reportazhet, udhë përshkrimet dhe intervistat.

Libri në tërësi ka një organizim të mirë dhe është i ndarë në katër kapituj kryesor. Në të parin janë radhitur reportazhet, në të dytin janë futur Intervistat, në të tretin kapitull janë vendosur Vështrimet, opinionet dhe komentet, dhe përfundon me kapitullin e fundit ku janë paraqitur shkrimet e ndryshme për ngjarjet ditore.

Libri, gjithashtu ka një shtojcë ku janë paraqitur fotografi të ndryshme të cilat artori dhe redaktori kanë vlerësuar se duhet të jenë në libër.

Libri paraqet një vlerë të shtuar kulturore, faktografike dhe dokumentare, në lidhje me jetën e banorëve të një ane të Kosovës, por edhe të viseve në të cilat autori ka pas rastin të shkojë dhe t’i vizitoj. Në këtë mënyrë libri arrin që ta ruaj kompaktësinë dhe homogjenitetin e saj tematik dhe faktofgrafik.

Në aspektin stilistik, libri dallohet për një gjuhë të përzgjedhur, për një shkrim të kujdesshëm dhe preciz, që i mundëson lexuesit që të krijojë një ide kryesore lidhur me idetë dhe përmbajtjen e paraqitur në libër, nga autori.

Duke e konsideruar si një libër që paraqet një përgatitje të mirë, që idenë dhe përmbajtjen i paraqet në mënyrë kompakte dhe të organizuar, dhe, duke e parë se në aspektin gjuhësor, stilistik,  faktografik dhe publicistik, paraqet një vlerë të rëndësishme, kam kënaqësinë që ta jep mendimin tim pozitiv për botimin e tij.

Mendoj se botimi i librit do të lërë për lexuesit kosovarë një formë jo shumë të përhapur të librit në të cilin, në një vend, ai do të ketë mundësinë të lexojë për njerëzit dhe personalitetet e një kohe, vendet e vizituara dhe ngjarjet që kanë ndodhur në një periudhë të caktuar të punës dhe aktivitetit të autorit.

Duke e shprehur mendimin tim, që libri i Adem Lushaj, i plotëson të gjitha kriteret për t’u botuar, dëshiroj që autorit, por edhe librit, t’iu uroj fat dhe jetëgjatësi.
 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)