06 Dhjetor 2022

Ata që i rrahin fëmijët do t'i mallkojë loti i tyre

Shkruar nga Ahmet Pllana
 
Fëmijët janë bukuria e kësaj bote. Fëmijët janë engjuj. Fëmijët janë lulet e shtëpive. Shpeshherë prindërit në shtëpi, edukatoret në çerdhe dhe mësuesit në shkolla, harrojnë se fëmijët janë lule, janë engjuj, andaj ngrisin dorë mbi ata.
 
Si të ngritet dorë mbi engjuj?! Prindërit në mungesë të vetëdijes se fëmijët janë engjuj, i rrahin me shuplakë, grushta, rryp, shkop, pandofle...! Edukatoret e pa shpirt i rrahin fëmijët në çerdhe. Mësuesit i rrahin fëmijët në shkollë.
 
Ata që i rrahin fëmijët, që bëjnë dhunë ndaj fëmijëve, janë të pashpirtë. Të pashpirtët bëjnë dhunë ndaj fëmijëve, sepse ata janë të pa fuqishëm dhe të pa mbrojtur. Ata që i rrahin fëmijët do t’i zë mallkimi, qofshin prindër, mësimdhënës apo edukatorë dhe loti i tyre do t’i mallkojë.
 
Me ligj ndalohet dhuna fizike, por edhe dhuna psiqike ndaj fëmijëve. Nuk është as njerëzore, as edukative që të rrahen fëmijët, madje nuk bën as të bërtitet as të qortohen tërë ditën, duke i kërcënuar ata se do t’i rrahin, se do t’ua thejnë kokën, etj.
 
As prindët e as arsimtarët nuk kanë të drejtë të ushtrojnë dhunë fizike e as dhunë psiqike ndaj fëmijëve apo nxënësve të tyre, andaj sipas ligjit dënohen.
 
Si nuk kanë ndërgjegje, si nuk kanë shpirt, si nuk ju vjen mëkat t'i rrahin fëmijët?! Ju thaftë dora atyre që janë të pashpirt, qofshin ata prindër, edukatorë në çerdhe apo mësimdhënës në shkolla, që i rrahin fëmijët e pambrojtur vetëm se munden, vetëm se janë të vegjël, vetëm se janë të pafuqishëm!
 
Ata kur të rriten do t'ua mbajnë në mend rrahjet që u kanë bërë prindërit dhe arsimtarët! Loti i fëmijëve do t'i mallkojë ata që i rrahin fëmijët! Zoti i madh do t’i dënojë të gjitha ata që bëjnë dhunë ndaj fëmijëve dhe nuk do ta shohin ditën e vet as në këtë botë e as në botën tjetër.
 
Lutemi me lutjen deri në qiell: Aman mos i rrahni fëmijët! Ligji kundër dhunës ndaj fëmijëve duhet të zbatohet në praktikë në mënyrë që mos të kemi dhunë ndaj fëmijëve tanë, ndaj dritës së syve tanë, ndaj ardhmërisë sonë!
 
Të shpresojmë që Qeveria e re e zgjedhur nga populli të marrë masa kundër dhunës ndaj fëmijëve.  

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)