03 Shkurt 2023

Winehouse harron tekstin gjatë këndimit

SHBA, 8 korrik - Amy Winehouse është skuqur në një skenë të Londrës, pasi ka harruar tekstin e njërit prej hiteve të saj, "Valerie".

Këngëtarja iu bashkua bashkëpunëtorit të saj Mark Ronson, në një promovim të bandës së re të Mark Ronson, "The Business Intl".

Ronson performoi këngë nga albumi i tij i ardhshëm, para se Winehouse të ngjitej në skenë. Dyshja e filloi më pas këndimin e këngës "Valerie", por Winehouse ngeci në vargjet e para, pasi asaj nuk i kujtohej teksti.

Krijuesja e hitit "Rehab" ka pasur shumë pak performanca live viteve të fundit, për shkak të problemeve të saj personale.

Winehouse pritet të lançojë albumin e tretë, pas suksesit të vitit 2006 me albumin "Back to Black", por sipas producentit të saj, ajo nuk i ka ende gati këngët.

"Amy nuk ka filluar akoma punën për regjistrimin e këngëve të albumit. Kur ajo të ketë 10 këngë atëherë ne do të shkojmë në studio së bashku për regjistrimin e tyre. Ne realizuam një këngë për një album në nder të Quincy Jones, i cili do të lançohet shumë shpejt dhe ne përfundimisht kemi biseduar edhe për albumi e saj të ri", theksoi Ronson, që në mënyrë indirekte hodhi poshtë pohimet e babait të Winehouse, që kishte deklaruar se albumi është realizuar por do të lançohet në dhjetor.
 

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)