07 Shkurt 2023

Sot mbahet festivali XII ndërkombëtar i poezisë "Drini poetik"

Prishtinë, 30 tetor - Sot në bibliotekën kombëtare "Pjetër Bogdani" në Prishtinë, Lidhja e Shkrimtarëve të Kosovës (LSHK) organizon festivalin XII ndërkombëtar të poezisë "Drini poetik".

Sesioni letrar sivjet ka temë "Raportet e letërsisë popullore me atë artistike", ku do të paraqiten disa kumtesa.

Në "Veprën e hapur" do të përurohen disa vepra të anëtarëve të LSHK-së.

Në orën letrare "Lira magjike" do të deklamojnë poezitë e tyre dyzet poetë.

Sesioni letrar dhe "Vepra e hapur" fillojnë në orën 12:00, kurse "Lira magjike" nga ora 17:00.

Për shkak të pandemisë është kufizuar numri i pjesëmarrësve në festival, kurse manifestimi zhvillohet pa publik.

Jepen tri çmime letrare “Metafora I, II, III” dhe një komplet librash të Institutit Albanologjik të Prishtinës nga juria letrare.

Për shkak të rrethana aktuale, pandemisë dhe përkrahjes materiale, do të mungojnë edhe poetët mysafirë nga jashtë Republikës së Kosovës.
 

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)