10 Gusht 2022

Sisterhood në Karlovy Vary Film Festival

Prishtinë, 30 qershor - Projekti filmik ‘Sisterhood’ i regjisores Dina Duma ku Kosova është në bashkëprodhim minorë do të ketë premierën botërore në festivalin e kategorisë A Karlovy Vary Film Festival në konkurencën ‘East of the West’.

‘Miqësia e dy vajzave adoleshente kërcënohet në momentin kur ato duhet të përballen me pasojat e tmerrshme të sjelljes së tyre manipuluese.

 Filmi është vendosur në komunitetin e adoleshentëve, për të cilët grumbullimi i ndjekësve në mediat sociale është më i rëndësishëm sesa kultivimi i marrëdhënieve të mirëfillta.

 Në debutimin e saj delikat, regjisorja miraton një qasje autentike për të kapur momentet formuese të rinisë, të cilat na mësojnë të pranojmë përgjegjësinë për veprimet tona’.

‘Sisterhood’ është bashkëprodhim në mes të Maqedonisë së Veriut, Kosovës dhe Malit të Zi me producentin Kosovar Liridon Cahani nga shtëpia filmike Added Value Films.  

Në film luajnë: Antonia Belazelkoska, Mia Giraud, May-Linda Kosumovic etj.

Kalendari

Ngjarjet e datës 10 gusht 2022

- Mbahet mbledhja e Qeverisë së Kosovës. (Ndërtesa e Qeverisë, ora 10:00) 

- Agjencia Kosovare e Privatizimit mban ceremoninë e hapjes së ofertave të shitjeve përmes Likuidimit SHAL 57. (Hoteli Grand, ora 12:30)