09 Dhjetor 2022

Promovohet libri i profesor Vincës për sagën e shkronjave shqipe

Shkup, 21 nëntor - Në vazhdën e edicionit të katërt me radhë të Ditëve të Alfabetit, Instituti i Trashëgimisë Shpirtërore e Kulturore të Shqiptarëve në Shkup në bashkëveprim me Agjencinë e Zbatimit të Gjuhës Shqipe, sot promovoi librin e prof. dr. Agim Vincës, me titull “Saga e shkronjave shqipe (Të thënat dhe të pathënat për Kongresin e Manastirit)”.

Drejtori i ITShKSh-së, Skender Asani, theksoi se është nderë i veçantë për institucionet tona dhe për kulturën e shkencën shqiptare në përgjithësi, që kemi botuar një libër i cili sjell para publikut një mënyrë ndryshe në trajtimin e temës së Kongresit të Manastirit.

Drejtori i Agjencisë së Zbatimit të Gjuhës Shqipe, Ylber Sela, tha se në këtë përvjetor të Kongresit të Alfabetit të Gjuhës Shqipe, para nesh e kemi njërin nga studimet më të veçanta për këtë fushë.

Fjalë përshëndetëse pati edhe ministri i Arsimit dhe Shkencës, Jeton Shaqiri, i cili e vlerësoi lartë kontributin arsimor, kulturor dhe shkencor të profesor Vincës.

Më pas rreth veprës në fjalë folën recensentët Rami Memushaj dhe Avzi Mustafa, të cilët u ndalën në disa nga vlerat dhe specifikat e këtij libri, ndër të rrallat e këtij lloji.

Në fund, fjalë rasti pati autori profesor Agim Vinca, i cili foli rreth librit në fjalë dhe rëndësisë së madhe kombëtare të Kongresit të Manastirit.

Manifestimi kulturor-shkencor Ditët e Alfabetit, mbyllet nesër me akademinë shkencore dhe konferencën kushtuar drejtshkrimit të gjuhës shqipe "Një gjuhë - një gjuhë".

Kalendari

Ngjarjet e datës 9 dhjetor 2022 - Kryeministri i Republikës së Kosovës, Albin Kurti, presidentja Vjosa Osmani-Sadriu dhe kryetari i Kuvendit, Glauk Konjufca, marrin pjesë në dëgjimin publik për Projektligjin për Liritë Fetare. (Ndërtesa e Qeverisë, ora 9:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Raportit për Projektligjin Agjencinë Kosovare për Krahasim dhe Verifikim të Pronës, Projektligjin për Bujqësi dhe Zhvillim Rural, etj. (Ndërtesa e Kuvendit, salla N302, ora 9:30)

- Komisioni për të Drejtat dhe Interesat e Komuniteteve dhe Kthim shqyrton Projektligjin për parandalimin dhe kontrollin e integruar të ndotjes, me raport amendamente të Komisionit funksional për Mjedis, Ushqim, Bujqësi, Planifikim dhe Zhvillim, etj. (Ndërtesa e Kuvendit, salla N10, ora 9:45)

- Instituti i Kosovës për Drejtësi organizon konferencë për media, ku do të publikohet raporti me titull “Qeverisja me duar të pastërta”, raport ky mbi deputetët, ministrat dhe kryetarët e komunave, të cilët kanë probleme me ligjin. (Hotel Sirius, ora 10:00)

- Gjykata Kushtetuese organizon “Ditën e Gjykatës së Hapur” në shënim e Ditës Ndërkombëtare të të Drejtave të Njeriut. (Gjykata Kushtetuese, ora 10:00)

- Për të shënuar 9 dhjetorin, Ditën Ndërkombëtare kundër Korrupsionit, Koalicioni i Organizatave të Shoqërisë Civile dhe Mediave, do të mbajnë një konferencë me temën “Fuqizimi i Kapaciteteve të Shoqërisë Civile për luftimin e korrupsionit”. (Hotel Sirius, ora 10:00)

- Kuvendi i Republikës së Kosovës vazhdon seancën plenare. (Kuvendi i Kosovës, ora 10:00)

- Ministrja e Drejtësisë, Albulena Haxhiu bashkëbisedon me studentët e Kolegjit AAB për temën mbi dhunën në bazë gjinore. (Kolegji AAB, ora 10:30)

- Rreth 60 punëtor teknik dhe ata te sigurimit fizik qe punojnë në Qendrat e Mjekësisë Familjare disa shkolla te Prishtinës  do te protestojnë me kërkesën për rritje të pagave. (Para komunës se Prishtinës, ora 11:00)

- Këshilli Rinor Kosovar organizon Kuvendin Zgjedhor të Këshillit të Nxënësve të Kosovës në nivel vendi. (Amfiteatri i Ministrisë së Drejtësisë, ora 13:00)

- Instituti i Kosovës për Drejtësi organizon aktivitet me studentët e Klinikës Ligjore të IKD– së, ku do të bëhet prezantimi i shpalljes së simuluar të një aktgjykimi të një rasti të korrupsionit. (Sheshi Skënderbeu në Prishtinë, ora 13:30)

- Lidhja Demokratike e Kosovës mban konferencë për medie. (Selia qendrore e LDK-së, ora 13:30)

- Ministrja e Drejtësisë, Albulena Haxhiu merr pjesë në një tryezë me gratë në Komunën e Mitrovicës. (Restaurantin "Va Piano", ora 15:00)

- Me rastin e 5 vjetorit të ndarjes nga jeta të artistit, Blerim Peci, Komuna e Mitrovicës, në bashkëpunim me artistë, familjarë e miq të ish të ndjerit organizojnë takimin përkujtimor për të ndarë së bashku kujtime të bukura e të pashlyeshme për të. (Qendra e Kulturës "Rexhep Mitrovica", ora 17:00)

- Ministrja e Drejtësisë, Albulena Haxhiu merr pjesë në shfaqjen e filmit "Zgjoi". (Kino Armata, ora 17:00)