17 Janar 2022

Promovohet libri i Abdullah Zenelit "Koncert në kohë dashurie"

Prishtinë, 16 dhjetor - Në Gjimnazin “Hivzi Sulejmani” në Fushë Kosovë u mbajt promovimi i librit me titull “Koncert në kohë dashurie” i autorit, shkrimtarit dhe poetit, Abdullah Zeneli.

Në këtë promovim të organizuar në nivel të lartë dhe në një ambient të bukur, morën pjesë mysafirë, poetë, personalitete dhe nxënës të Gjimnazit. Me një fjalë përshëndetëse, fillimisht drejtori i Gjimnazit,

Amir Pllana, tha se ky promovim është i rëndësishëm për gjimnazin tonë dhe për nxënësit, ngase në këtë vatër të diturisë është ambient ku më së miri i takon promovimi i librit.

Në këtë rast, ardhja e poetit në mesin tonë është nderë dhe vlerë, andaj edhe e falënderoj, tha ai.

Ismail Syla, rreth librit me poezi “Koncert në kohë dashurie” i autorit Abdullah Zeneli, është libër me vlera që ngrit lart artin dhe vizionin me një qasje serioze dhe të përpiktë, me një krahasim sikur ngritet hekurudha dhe treni ecë me xehe, por vagoni i parë është me libra.

Ky autor ka disa romane shumë të mira dhe vepra të tjera poetike që shpeshherë kanë tematikë vetminë, pra tema themelore është vetmia, heshtja, meditimi, qasja në jetë, etj., tha Syla.

Më pas disa nxënës lexuan poezi të autorit, por edhe bënë pyetje të ndryshme rreth krijimtarisë së autorit, në të cilat me kënaqësi u përgjigj poeti, gjë që u krijua një debat interesant.

Ahmet Pllana
 

Kalendari

Ngjarjet e datës 17 janar 2022

-  Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit mban dëgjim publik për Projekt-Kodin e Procedurës Penale dhe projektligjin për bashkëpunim juridik ndërkombëtar në çështjet civile. (Ndërtesa e Kuvendit, salla N506, ora 9:00)

- Instituti Demokratik i Kosovës organizon tryezën më temë “Shpenzimet e parasë publike në kategorinë e subvencioneve dhe investimeve kapitale gjatë mandatit qeverisës 2018-2021”. (Hotel Sirius, ora 11:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 11:00)

- Universiteti Publik “Kadri Zeka” në Gjilan,  do të shënojë Janarin e Përflakur më çrast do të mbahet tribunë e hapur në të cilën do të ketë dy ligjërata "Flakadanët e lirisë" dhe Jusuf Gërvalla - Atdhetari dhe krijuesi. (Amfiteatrin i Universiteti të Gjilanit, ora 11:00)  

- Partia Socialdemokrate do të mbaj konferencë për media lidhur me projektligjin për inspektime të propozuar nga Qeveria e Kosovës. (Zyra e PSD-së, në rrugën Bajram Kelmendi, ora 13:00)

- Në kuadër të manifiestimit 'Flaka e Janarit' mbahet akademie e Flakës 2022. (Teatri i qytetit të Gjilanit, ora 17:00)

 

- Në 40 vjetorin e vrasjes së Jusuf e Bardhosh Gërvallës dhe Kadri Zekës, shkëlqesia e Tij, Albin Kurti, Kryeministër i Republikës së Kosovës, organizon Akademinë Përkujtimore në nderim të tre veprimtarëve të shquar të çështjes kombëtare. (Salla e Kuqe, Pallati i Rinisë dhe Sporteve, Prishtinë, ora 17:00)

- Hapet ekspozita kolektive e artit pamor. (Galeria e qytetit të Gjilanit, ora 19:00)