07 Shkurt 2023

Prishtinës i shtohet edhe një hapësirë e re ekspozuese, Galeria 17

Prishtinë, 16 nëntor - Galeria 17 është hapësirë për edukim, aktivizëm dhe eksperimentime artistike të guximshme.

Një galeri për lagjen, qytetin dhe gjithë komunitetin artistik. Misioni i galerisë është të nxit reflektim kritik përmes identifikimit dhe përkrahjes së zërave të guximshëm që mundësojnë këndvështrime të reja përmes praktikave bashkëkohore të artit.

Sot do të bëhet hapja e galerisë me ekspozitën me titull “Make me coffee make me a sandwich” kuruar nga artistja malazeze Natalija Vujoševic, e cila mbledh artiste nga Kosova, Shqipëria, Mali i Zi dhe Serbia.

Eljesa Beka, Azize Ferizi, Laureta Hajrullahu, Lori Lako, Milica Mijajlović dhe Barbara Prenka, janë ftuar të reflektojnë mbi lidhjet ekzistuese mes komunitetit që mëton të vë në qendër nevojën për veprim kolektiv dhe hapësirë si vend për bashkëprodhim të dijes dhe praktikave të të jetuarit.

Ky lloj aktiviteti artistik prezanton metodologjitë dhe mjetet për të ushtruar shëndetin e energjisë së përbashkët, lidhjen dhe pozitën mes miqve, ritmeve, trupave, të afërmve, kolegëve/eve dhe të dashurve, në këtë hapësirë të përbashkët.

Veprat e artit do të shpalosen si një proces që shënon kohën e vet. Përgjatë programit, artdashësit do të zbulojnë punë të reja, tregime, tinguj, erëza dhe rituale të komunitetit, të cilat do të zënë vend në Galeria 17 dhe të shpërndahen në të gjithë lagjen. Ekspozita do të jetë zhvillimore duke shënuar hapjen e çdo kapitulli të saj.


 

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)