10 Gusht 2022

OSBE dhe MKRS diskutojnë për menaxhimin e trashëgimisë kulturore

Prishtinë, 30 korrik - Misioni i OSBE-së në Kosovë dhe Ministria e Kulturës, Rinisë dhe Sportit do të organizojnë konferencë njëditore me titullin “Planet e menaxhimit të trashëgimisë kulturore, mjet për mbrojtjen dhe zhvillimin e qëndrueshëm e trashëgimisë kulturore”.

Kjo konferencë do të mbledhë ekspertë të fushës së trashëgimisë kulturore, zyrtarë të komunave dhe përfaqësues të shoqërisë civile.

Konferenca është hap i mëtejmë në përpjekjet e përbashkëta të Ministrisë së Kulturës, Rinisë dhe Sportit dhe Misionit të OSBE-së për përmirësimin e mbrojtjes, ruajtjes dhe promovimit të objekteve të trashëgimisë kulturore nëpërmjet planeve për menaxhim të trashëgimisë kulturore.

Në suazat e këtyre përpjekjeve, Prishtina dhe Peja janë përzgjedhur si pilot komuna për hartimin e planeve për menaxhim të trashëgimisë kulturore.

Diskutimet do të përqendrohen në standardet dhe praktikat më të mira ndërkombëtare të menaxhimit të trashëgimisë kulturore, me synim identifikimin e pikëarritjeve konkrete për t’u përmbushur bashkërisht nga Ministria dhe Misioni i OSBE-së.

Shefi i Misionit të OSBE-së në Kosovë, Michael Davenport, kryetari i Pejës, Gazmend Muhaxhiri, si dhe përfaqësues të Ministrisë së Kulturës, Rinisë dhe Sportit e të Komunës së Prishtinës do t’i drejtohen konferencës me një fjalë përmbyllëse. 

Kalendari

Ngjarjet e datës 10 gusht 2022

- Mbahet mbledhja e Qeverisë së Kosovës. (Ndërtesa e Qeverisë, ora 10:00) 

- Agjencia Kosovare e Privatizimit mban ceremoninë e hapjes së ofertave të shitjeve përmes Likuidimit SHAL 57. (Hoteli Grand, ora 12:30)