07 Shkurt 2023

Nxënës nga Suedia vizitojnë Kosovën

Prishtinë, 30 mars -  Mëse 60 nxënës nga tri komuna të Suedisë që ndjekin mësimin plotësues në gjuhën amtare shqipe dhe mësimdhënësit e tyre, në kuadër të një ekskursioni mësimor po qëndrojnë në Kosovë. Përpos vizitave nëpër shkollat e disa komunave, ata po vizitojnë edhe monumentet kulturo-historike dhe institucionet e Kosovës. E tërë kjo po bëhet me moton “Njihe atdheun që ta duash më tepër”.

Pas një udhëtimi përmes Danimarkës, Gjermanisë, Çekisë, Sllovakisë, Hungarisë dhe Serbisë, mbi 60 nxënës të mësimit plotësues në gjuhën amtare shqipe nga Kristianstadi, Ängelholmi dhe Kristiantadi i Suedisë, së bashku me mësimdhënësit e tyre shqiptarë e suedezë, kanë ardhur në Kosovë për t´i kaluar disa ditë të këndshme në mesin e bashkëmoshatarëve dhe bashkëkombësve të tyre. Ky ekskursion mësimor po zhvillohet në kuadër të bashkëpunimit të shkollave suedeze dhe Ministrisë së Arsimit, të Shkencës e të Teknologjisë së Kosovës. Nikoqirë të nxënësve shqiptarë nga Suedia janë drejtoritë komunale të arsimit të Prishtinës, Mitrovicës, Skenderaj, Drenasit, Ferizajt dhe të Prizrenit. Mysafirëve nga Suedia, kudo që po shkojnë dhe këdo që po vizitojnë po u bëhet pritje ngrehtë nga nikoqirët, kurse ata vet po fitojnë njohuri të reja për atdheun dhe shkëmbejnë përvoja me bashkëmoshatarët e tyre.

Ekskursioni mësimor i këtyre nxënësve filloi me vizitën e Shkollës Fillore ”Faik Konica” dhe të Gjimnazit “Xhevdet Doda” të kryeqytetit. Ata u shpërndan në paralelet e nxënësve të këtyre shkollave dhe bashkërisht ndoqën procesin edukativo – arsimor. Pastaj vizituan Parlamentin e Kosovës, ndoqën një dramë në teatrin “Dodona” dhe vizituan përmendoret dhe sheshet kryesore të Prishtinës. Drejtoria komunale e arsimit e Prishtinës, në mbrëmje shtroi një darkë të përbashkët, të cilën pastaj nxënës mysafirë dhe ata nga shkollat nikoqire e shndërruan në një mbrëmje të këndshme shoqërore.

Gjatë javës, nxënësit nga Suedia do të vizitojnë edhe Muzeun e kryeqytetit, Bibliotekën Kombëtare, Radio Televizionin e Kosovës dhe objekte të tjera të kulturës e të traditës si dhe përmendoret e personaliteteve që kanë lënë gjurmë të pashlyeshme në historinë e Kosovës. Ata do të jenë mysafirë edhe në shkollat të shkollave fillore e të mesme të Mitrovicës, Prizrenit, Ferizajit, Drenasit e Skenderajt. Do të vizitojnë edhe Muzeun e Kristaleve të Trepçës si dhe Shtëpinë – Muze të Jasharëve në Prekaz.

Egzon Bajrami e Valentina Demaj, nxënës nga Laholmi, Adelina Popova e Shkëlqim Kodra nga Ängelholmi si dhe Valentina Berisha e Valentina Neziri që ndjekin mësimin plotësues në gjuhën shqipe në Kristianstad, thonë se janë shumë të kënaqura me mikpritjen që po u bëhet kudo që po shkojnë dhe shkollat që po vizitojnë. Shkëlqimi, i cili sivjet është shpallur nxënësi më I mire në komunën e Ängelholmit, madje thekson se mezi pret që në një vizitë të tillë mësimore në Suedi ta bëjnë edhe nxënësit nga Prishtina.

Çdo ekskursion tek nxënësit lenë përshtypje të paharrueshme dhe ka karakter edukimi, shoqërimi dhe njohjeje me vende e me gjëra të reja. Por, për nxënësit mërgimtarë, vizitat e organizuara që i bëhen atdheut shtojnë dashurinë dhe forcojnë lidhjet me të parët. E tillë është edhe vizita e nxënësve nga Kristianstadi, Laholmi e Ängelholmi i Suedisë që po realizohet gjatë festës së pashkëve.
 

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)