06 Dhjetor 2022

Mbahet me sukses edicioni XI i festivalit të këngës për fëmijë "Lyra"

Gjilan, 15 dhjetor - Është mbyllur me suksese Festivali i këngês për fëmijë "LYRA". Para publikut të reduktuar u paraqitën 15 këngë të bukura të cilat dhanë secila prej tyre një mesazh për botën fëmijërore dhe shpresën për të ardhmen e ndritur që kanë.

Në një ambient fantastik të krijuar në skenën e Teatrit të Qytetit, juria profesionale, fituese e shpalli këngën "Muzikë pa kufij" të interpretuar nga Ilda Nuhiu, vendin e dytë e mori solisti i talentuar Shero Dushica më këngën "Vëllezërit" dhe dueti Luina dhe Reina Hyseni me këngën "Shokë dhe shoqe".

Gjithashtu vendi i tretë u nda nga Arrita Marku me këngën "Miss Gjirafa" dhe Amar Dobreva me këngën "Sa shumë i dua".

Çmimi i publikut i takoi kêngês "Borëbardha me soliste Arnisa Hetemi dhe Çmimi Lyra këngës "Feeling good" nga Yllza Hasani.

Organizatori u kujdes që të gjithë fëmijët, pjesëmarrêsit tjerë, të shpërblehen me cmime për kêngët e bukura të cilat ia dhuruan publikut. Juria profesionale e përbërë nga prof. Nizaqete Gagica, prof. Sami Piraj dhe dirigjentes Florentina Rushiti, ndau edhe çmimin tanimë tradicional për kompozitorin më të suksesshëm Naser Dula.

Drejtori i festivalit z. Kushtrim Jakupi, tha se të gjithë pjesmarësit, këngët dhe interpretimet e të cilëve u përzgjodhën për të qenë pjesë e festivalit janë fitues, duke u ndarë shumë i kënaqur që edhe përkundër rrethanave të vështira është arritur të ruhet kontinuiteti i Festivalit dhe se me shumë sukses po vazhdohet në dekadën e dytë të veprimtarisê së "Lyrës".

Jakupi shpreson se edicioni i ardhshëm të na gjejë në normalitet dhe me shumë e shumë këngë tjera të bukura.

Ai, gjithashtu falënderoi, Komunën e Gjilanit -Zyren e Kryetarit Lutfi Haziri , DKRS’në me drejtoreshën Deniza N Limani dhe Ministrinë e Kulturês pêr mbêshtetjen e festivalit si dhe të gjithë

fëmijët pjesëmarrês, prindërit për ndihmën por edhe stafin e gjerë të festivalit, "Korabi" për dritat, "Dj Albani" për zërimin, "ArtFabe" për video asistencên, "Pexi-design" për plaketet  "ABC Design" për skenën e shkëlqyeshme, etj.

Përvec solistêve konkurrues, në festival u paraqitën edhe solistë musafirë, Eja Kida, Eloise Kosumi, Anik Murati dhe shtêpia e vallêzimit "Dancing house" të cilêt i dhënë shkëlqimin edhe më të madh festivalit duke i bashkangjitur këtu edhe moderimin e artistit të njohur Fatmir Spahiu dhe këngëtares Triola Jakupi.

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)