07 Shkurt 2023

‘Lights Of The Future’ i jep dritë Obiliqit me 'Ndriço Fest’

Obiliq, 10 gusht - OJQ Lights of the Future (LOF) organizon edicionin e dytë të festivalit të qytetit të Obiliqit ‘Ndriço Fest’ i cili do të mbahet nën patronatin e Kryetarit të Komunës.

Ndriço Fest, mbahet sot dhe pjesë të vetën do të ketë këngëtarë e artistë të njohur vendas, të zhanreve të ndryshme muzikore.

Festivali mbahet në sheshin e qytetit “Dëshmorët e Kombit” dhe është i hapur për të gjithë, derisa do të ketë edhe aktivitete të tjera përcjellëse anash performancës artistike.

Gjatë festivalit, Impianti i Shndërrimit të Avullit ne Ujë (TC-B) të cilën do ta quajmë ‘Drita Jonë’ do të ndriçohet me drita profesionale dhe ‘Video Animacione’ duke dhuruar Light Show, e gjithashtu do të krijohen hapësira për Shoqatën e Grave të cilat do të ofrojnë ushqime tradicionale nën moton ‘Bujrum n’Sofër’.

Festivali do të ketë edhe supriza e befasi të tjera e gjithashtu një atmosferë fantastike.

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)