07 Shkurt 2023

Komuna e Gjilanit mbështetë aktivizimin e rinisë

Gjilan, 20 gusht – Kryetari i Komunës së Gjilanit, Lutfi Haziri, ka nënshkruar sot marrëveshjen e mirëkuptimit për projektin “Fuqizimi i zërave lokal për zhvillim të barabartë”, me organizatën Peaceful Change Initiative, People in Need, me qendër në Mbretërinë e Bashkuar, me qëllim që të mbështes të rinjtë në forma të ndryshme në zhvillimin e ideve dhe pjesëmarrjen e tyre aktive në tregun digjital.

Kryetari Haziri, ka thënë se me këtë marrëveshje bëhet thirrje për të rinjtë që të aktivizohen, të realizojnë planet e tyre dhe të zhvillojnë idetë në planifikimin e shërbimeve sociale, me pjesëmarrje dhe njëkohësisht edhe aktivizimin lokal të shoqërisë civile.

“Falënderoj organizatën Peaceful Change Initiative, me qendër në Mbretërinë e Bashkuar për bashkëpunimin me nivelin lokal. Janë përzgjedhur 5 Komuna të cilat kanë gjithpërfshirje dhe efikasitet në angazhimet e përbashkëta me shoqërinë civile në përmirësimin e jetës së të gjithë banorëve pa dallim. Projekti është një vjeçar dhe Komuna e Gjilanit do të angazhohet me kapacitetet e saja që të rinjtë dhe shoqëria civile të jenë përfitues nga përvojat e studiuara mirë të organizatës nga Mbretëria e Bashkuar”, ka thënë kryetari Lutfi Haziri.

Në emër të organizatës përfaqësuesit në këtë takim, kanë konfirmuar bashkëpunimin e plotë dhe gatishmërinë e tyre që përmes ekspertizës së konsorciumit të projektit me shoqërinë civile dhe të rinjtë pa dallime që jetojnë në Komunën e Gjilanit, në veçanti të ndikojnë në zhvillimin e ideve për tregun dixhital, shërbimet sociale dhe mbështetjen me përvoja praktike për krijimin e bizneseve të reja, në koordinim të vasgdueshëm me Drejtorinë e Kulturës, Rinisë dhe Sportit. 

 

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)