04 Dhjetor 2022

Hollywood, Mat Demon dhe Erik Bana, në filmin për UÇK

Hollywood, 5 mars - Aktorët e njohur të Hollywood-it, Matt Damon dhe Eric Bana kanë filluar të qarkullojnë sot si emra për të luajtur në filmin më të ri që ka për temë Ushtrinë Çlirimtare të Kosovës (UÇK). Tema e këtij filmi bazohet në librin best-seller të Craig Jurisevic “Blood in My Hands”.

Sipas një burimi shumë të afërt me producentët e këtij filmi, Damon dhe Bana janë në konkurrencë për të marrë rolin kryesor, përderisa për këtë rol pretendent vazhdon të mbetet edhe aktori Sam Worthington, të cilin së fundmi e pamë në rolin kryesor të filmit “Avatar”. “Pas Sam edhe aktorët Matt Damon dhe Eric Bana janë në konkurrencë për të marrë rolin kryesor në këtë film”, tha ky burim i Express.

Damon është i njohur për rolin e tij në filmin “Good Will Hunting” i cili film mori edhe çmimin Oskar, ndërkaq Eric Bana (aktor me prindër kroat por shtetas australian) njihet për rolin e tij në filmin “Munich” dhe në filmin “Troja”. Ndryshe, sipas burimit, të gjithë aktorët kryesor përfshirë regjisorët dhe producentët, do të zgjidhen gjatë muajit mars dhe prill ku edhe do të detajohen më saktësisht projekti për këtë film, i cili ka zgjuar interesim të madh edhe për komunitetin shqiptar në Shtetet e Bashkuara të Amerikës.

Nëse filmi realizohet atëherë ai do të jetë filmi i parë që flet për luftën e Ushtrisë Çlirimtare të Kosovës dhe për masakrat serbe në Kosovë.

Ende nuk ka ndonjë reagim të Qeverisë së Kosovës për këtë, pasi që ka thashetheme që lobi serbe bashkë më atë rus në SHBA, me iniciativë të Qeverisë serb, janë duke insistuar që filmi mos të realizohet. Dihet se lobi serb është i vendosur në Hollywood dhe për të thuhet së është shumë i fuqishëm në shtetin e Los Angeles.

Por, burimi thotë se gjërat tashmë janë të kryera dhe projekti është në fazën finale të përpunimit dhe realizimit të tij dhe këto lobe nuk mund të ndikojnë prodhimin e këtij filmi.

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)