07 Shkurt 2023

Hapet Panairi Ndërkombëtar i Dijes në Kosovë

Prishtinë, 31 mars - Rreth 40 institucione arsimore, po marrin pjesë në Edicionin e katërt të Panairit Ndërkombëtarë të Dijes, i cili u hap sot në Prishtinë, nën patronatin e Ministrisë së Arsimit, me moton “Kosova shteti i dijes”.

Ministri Enver Hoxhaj tha se, Panairi ofron programe të shumëllojshme që u mundëson studentëve krijim të një vizioni të qartë për fushën e arsimit.

“Në këtë panair, ju do të keni mundësinë t’i vizitoni shkollat e mesme anembanë Republikës së Kosovës, të cilat e prezantojnë misionin dhe funksionin e tyre dhe të cilat ju informojnë për profilet e ndryshme që kanë këto shkolla. Prandaj, motoja e këtij panairi dhe Ministrisë është “shteti i dijes”, sepse ne besojmë që vetëm përmes dijes, Republika e Kosovës, do të jetë një shtet i fuqishëm, i zhvilluar dhe do të jetë në gjendje t’i zgjidhë problemet ekonomike që kemi aktualisht, dhe do të jetë në gjendje ta projektojë të ardhmen e vetë si ndër shtetet më stabile dhe më të fuqishme që do të ketë rajoni”, ka thënë Ministri i Arsimit, Enver Hoxhaj.

Panairi Ndërkombëtar i Edukimit është organizuar nga kompania CEO - Congress and Event Organization dhe mbahet nën patronatin e Ministrisë së Arsimit, Shkencës dhe Teknologjisë.

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)