04 Shkurt 2023

Hapet në Londër ekspozita e grupit ABBA

Londër, 12 prill - Ekspozita e parë botërore kushtuar grupit të muzikës pop ABBA, u hap në muajin janar në Londër. Me titull ABBA WORLD, kjo ekspozitë ka tërhequr dhjetra mijëra vizitorë të të gjitha grupmoshave.

Ekspozita dhuron një udhëtim të jashtëzakonshëm në karrierën e grupit, e madje spektatorët mund të interpretojnë së bashku me pjestarët e ABBA-ve, falë teknologjisë moderne.

Për një tifoz të grupit ABBA, është një ëndërr që bëhet realitet, mundësia  për t\'u bashkuar me grupin e viteve 70 , falë teknologjisë së hologramit.

Ekspozita e cila është shtrirë në 25 dhoma, i shoqëron vizitorët  në udhëtimin profesional të grupit, që nga fitorja e tyre në Eurovizion në vitin 1974 deri në një konkurs vjetor që bëri të famshme anembanë Europës, këngën e parë hit të tyre Waterloo.

Wladimir Sardinha është një zëdhënës zyrtar i klubit Evropian për adhuruesit e ABBA- ve. Ai thotë: \"Ky është koleksioni  më i madhe në llojn e tij. Ata dhuruan për këtë ekspozitë, Benny, Bjorn, Agnetha dhe Frida. Ata dhanë disa sende personale në këtë ekspozitë\".


Ekspozita pason suksesin e grupit - dy çiftet e martuara - si dhe shitjet rekord që arritën gati 400 million në mbarë botën.

Nëpër Evropë, Australi dhe më në fund në Shtetet e Bashkuara, meloditë e tyre të cilat mbeten në mendje, eksperimentet me teknologjinë e incizimve dhe kostumet, bënë që për disa vjet, muzika e tyre të ishte eksporti i dytë më i madh i Suedisë, pas prodhuesit të makinave Volvo.

Gazetari suedez Torsten Blomquist thotë se bashkatdhetarët e tij janë krenarë për ABBA-t. \"Ne kemi takuar dashuritë e para të jetës duke dëgjuar muzikën e tyre, kështu që ne kemi shumë kujtime së bashku me ABBA\".


Pas klasifikimeve të para me hitet si Mama Mia dhe Dancing Queen, si dhe nëntë albume, grupi u shpërnda. Analistët e industrisë muzikore vërejnë se  ndikoi në këtë shpërbërje edhe  shkurorëzimi i dy çifeteve, por edhe dallimet muzikore.

Së fundi, me filmin Mamma Mia dhe më parë me pjesët skenike muzikore, një brez i ri ka zbuluar grupit edhe ekspozitën.

Ekspozita do të hapet dhe në  Australi pas pak muajsh. Organizatorët janë duke bërë plane për qytetet e tjera, para se ajo të vendoset përgjithmonë në kryeqytetin suedez Stokholm.

Më shumë se 35 vjet pasi grupi pop u bë i famshëm, për adhuruesit, magjia e ABBA-ve ende jeton.

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)