06 Dhjetor 2022

Hapet ekspozita për çështje emergjente të ambientit

Prishtinë, 8 dhjetor - Foundatcon Shtatëmbëdhjetë ka bërë të ditur se sot do të organizoj hapjen e edicionit të dytë të ekspozitës Infrared.  

Edicioni i II-të i Infrared adreson tema që kanë të bëjnë me çështje emergjente të ambientit, duke përdorur artin si formë për të prekur dhe trajtuar çështje të rëndësishme që lidhen me ndotjen, pasojat dhe shkaktarët.

Artistë nga Kosova, Shqipëria dhe Malta ishin pjesë e Rezidencës së Artit ku zhvilluan konceptet e tyre, veprat e të cilëve mund t’i shihni në ekspozitën e Infrared sot.

Ekspozita do të qëndroj e hapur përgjatë këtyre tre ditëve prej orës 11:00 deri në 18:00.

Instalacioni, fotografia, video dhe performanca, janë mediumet e veprave të tetë artistëve që do të keni mundësi t’i shihni për këtë edicion të dytë të Infrared.

Artistët që do të ekspozojnë janë Abi Shehu (Shqipëri), Berat Bajrami (Kosovë), Bib Frrokaj (Shqipëri), Bobb Attard (Malta), Laureta Hajrullahu (Kosovë), Lori Lako (Shqipëri), Lumturie Krasniqi (Kosovë), Yll Xhaferi (Kosovë). Kuratore e ekspozitës është Blerta Hoçia.

Krahas veprave që do të mund t’i shfaqen në ekspozitë dhe në orët e caktuara për tre ditë me radhë të shfaqet performanca e artistes Lori Lako.  
 
Kuratorja e ekpsozitës Blerta Hoçia ka deklaruar se është një oazë e vogël e shkurreve dhe barishteve, të vetmet që mund t’i rezistojnë degradimit të avancuar të kësaj copëze qyteti të kthyer në natyrë.

Ajo konsideron se është në natyrën e betonit ta shpërfaqë njeriun dhe në natyrën e barishteve të mbinë kudo.

Një ekosistem i ri i krijuar brenda kësaj flluske të lënë mbas dore, në pritje që të bëhet sërish e frytshme në metamorfozat urbanistike.

Pritja e gjatë sipas kuratres Hoçia ka rezultuar në disa tulla të kuqe të ngjeshura rastësisht me njëra tjetrën, një mur i zhveshur që ndryshon nuancë, rozë, mente në gurkali dhe e bardhë e pisët.

''Nëse do të arrinim të shihnim tokën jashtë ndikimit human, kjo hapësirë e vogël mund të përfaqësonte një ide mbi makrokosmosin e realitetit, si të ishte një vend i ngrirë në hapësirën-kohore mijëra vjeçare të historisë së zhvillimit njerëzor duke fshehur që në zanafillë potencialin e vet shkatërrues, njeriun.''

''Gjurma e tij toksike është e dokumentuar përgjatë të gjithë epokës së tanishme gjeologjike ku mbizotëron vizioni antropocentrik për ambientin dhe tokësoren. Një vizion i natyrës si diçka e huaj, jashtë vetes. Si diçka që mund të shtepiakëzohet sipas arrogancës'', ka theksuar Hoçia.

Ekspozita do të zë vend në ambient të hapur, në kinemanë verore të ish-Kino Rinisë.

 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)