06 Dhjetor 2022

Hapet ekspozita me fotografitë “Çka po të thotë Toka për jetën tënde nesër!”

Prishtinë, 14 dhjetor - Fotografitë më të mira të bëra si pjesë e garës për fotografi dhe video ecokosovo3 me temën“Çka po të thot Toka për jetën tënde nesër!”, do të ekspozohen në qendër të qytetit të Prishtinës gjatë muajit të ardhshëm.

Programi i Kombeve të Bashkuara për Zhvillim (UNDP) në Kosovë, përmes fushatës vetëdijësuese ecokosovo3, bashkuan të gjithë ata që duan një mjedis të shëndoshë me mesazhin “Kur Toka flet, dëgjo!”.

Ecokosovo3 së fundi organizoi garën për video dhe fotografi, ku të gjithë të interesuarit u ftuan të dërgojnë fotografi dhe video me temën “Çka po të thot Toka për jetën tënde nesër?”.

 Tema e garës kërkoi nga garuesit të mendojnë për ndikimin që veprimet e njerëzve kanë ndaj Tokës dhe për pasojat me të cilat do të përballemi në të ardhmën nëse nuk e ndryshojmë mënyrën se si e trajtojmë planetin.

Në Instagram, Facebook, dhe Twitter në adresën #ecokosovo3gara dhe #ecokosovo3competition erdhën 500 fotografi dhe mbi 40 video.

Të gjitha fotografitë dhe videot u vlerësuan nga një juri e përbërë nga tre anëtarë të jurisë,  profesionistë në fushën e fotografisë, videos, dhe mjedisit. Yll Uka, Agon Nimani, dhe Lira Ramadani përzgjodhën katër fitues të fotografisë më të mirë të cilët fituan nga një aparat: Canon EOS 4000D + EF-S 18-55mm DC Value Up Kit , dhe katër fitues të videos më të mirë që u shpërblyen me nga një kamerë: GoPro HERO7 Camera Silver.

Nga data 14 dhjetor  deri më 14 janar 2021, publiku mund të vizitojë ekspozitën me punimet më të mira të ekspozuara në amfiteatrin e sheshit Zahir Pajaziti.  
 
Ky është edicioni i tretë i fushatës vetëdijësuese ecokosovo, pjesë e projektit të UNDP-së, Healthier Kosovo/Kosovë e shëndetshme, e implementuar nga Programi i Kombeve të Bashkuara për Zhvillim (UNDP), Organizata Botërore e Shëndetësisë (WHO) dhe Vullnetarët e Kombeve të Bashkuara (UNV) që synon të kontribuojë në zvogëlimin e sëmundjeve që janë pasojë e mjedisit të ndotur.

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)