24 Maj 2022

Gjilani nis Festivalin e teatrit të shkollave të mesme

Gjilan, 19 maj - Drejtoria e Arsimit në Gjilan, ka nisur përgatitjet e Festivalit të Teatrit të shkollave të mesme, të cilët nga 1 deri më 5 qershor do të organizojnë shfaqjet për nder të ditëve të çlirimit.

Në fjalën e tij, drejtori i arsimit në Gjilan, Nazim Gagica, ka thënë se ky është një projekt i madh dhe profesional i nxënësve të nxënësve të shkollave, model në nivel të Republikës së Kosovës në fusha të ndryshme dhe sot po e finalizojmë me aktivitetin ekstra kurrikular që mund të jetë edhe orientim profesional për të ardhmen.

“Shpresoj shumë që një pjesë e këtyre nxënësve do të jenë artistët e Gjilanit. Sot po nis Festivali i dramës që përgatitet nga nxënësit e shkollave të mesme dhe do të jetë tradicional edhe në të ardhmen, duke besuar shumë që shfaqjet garuese të jenë model edhe për shkollat e Komunave të tjera në fushën e dijes dhe të artit”, ka thënë ai mes tjerash.

Drejtoresha e Kulturës, Rinisë dhe Sportit, Deniza Limani, ka thënë se fal angazhimit të trupës profesionale të Teatrit të Qytetit, po nisin përgatitjet për pesë dramat e nxënësve të shkollave të mesme dhe të gjitha shpenzimet janë në kuadër të DKRS-së.

“Teatri i Qytetit me stafin professional që ka, është duke i bërë të gjitha përgatitjet që këto shfaqje të jenë të një niveli të lartë të përgatitjes edhe përkundër që janë të punuara dhe realizuara nga nxënësit. Angazhimi në këtë fushë të artit është një dëshmi edhe më e madhe se Gjilani vërtetë është kryeqendra e artit dhe kulturës në përgjithësi. Komuna e Gjilanit është e vendosur për të investuar me projekte të shumta në kulturë, rini dhe sport”, ka përfunduar ajo.

Ndërsa, Alban Shahiqi, në emër të Teatrit të Gjilanit. ka thënë se është një ndjenjë shumë e mirë kur shohim se çfarë niveli të lartë dhe talenti kanë nxënësit e shkollave të mesme të Gjilanit, të cilët dëshmojnë se kanë një shpirt të madh prej artisti.

Ndërsa, Rona Dërmaku. nga Gjimnazi Natyror “Xhavit Ahmeti” dhe Yllka Dema, nga shkolla e muzikës, ka theksuar se ky angazhim dhe kjo përvojë e re, është ofrimi i një bote tjetër jashtë asaj që është përditshmëri e shkollimit.

“Ne kemi hyrë për këtë periudhë në një botë të re dhe ju falënderojmë shumë që na keni bërë të mundur të hyjmë në këtë botë jashtëzakonisht interesante dhe të veçantë për ne si nxënës”, kanë thënë ato. 

Kalendari

Ngjarjet e datës 24 maj 2022

- Koalicionit për Transparencë dhe Integritet i themeluar dhe mbështetur nga KFOS-i, do të organizojë tryezë me temën “Pazari me tema të diplomës” ku do të diskutohet lidhur me shit-blerjen e temave të diplomës. (Biblioteka Kombëtare Universitare e Kosovës, ora 9:30)

- Komisioni për Mbikëqyrjen e Financave Publike shqyrton raportin e auditimit të performancës “Prokurimi në Korporatën Energjetike të Kosovës” ku të ftuar janë edhe Kryesuesi i Brodit dhe Kryeshefi ekzekutiv i KEK-ut. (Ndërtesa e Kuvendit, salla C203, ora 10:00)

- Komisioni për të Drejtat dhe Interesat e Komuniteteve dhe Kthim shqyrton raportin e Projektligjit për mbrojtjen e ajrit dhe Projektligjin për Akcizën në Produktet e Duhanit. (Ndërtesa e Kuvendit, salla N302, ora 10:00)

- Komisioni për Mjedis, Ushqim, Bujqësi, Planifikim dhe Zhvillim mban dëgjim publik për Projektligjin për Produktet Biocide. (Ndërtesa e Kuvendit, salla N506, ora 10:00)

- Iniciativa për Zhvillimin e Bujqësisë së Kosovës organizon ceremoninë e shpërndarjes së pajisjeve bujqësore, projekt i financuar nga Zyra e Bashkimit Evropian në Kosovë. (Stadiumi i Qytetit në Shtime, ora 10:00)

- Komisioni për Shëndetësi dhe Mirëqenie Sociale shqyrton Projektligjin për ndryshimin dhe plotësimin e Ligjit për Inspektoratin Sanitar të Kosovës dhe Projektligjin për ndryshimin dhe plotësimin e Ligjit për Inspektoratin Shëndetësor. (Ndërtesa e Kuvendit, salla N303, ora 10:00)

- Osman Buleshkaj, konsulent i GIZ prezanton Sistemin e Arsimit Parauniversitar në Kosovë, para Komisioni për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N204, ora 10:00)

- OJQ Aktiv prezanton publikimin “Rekomandime për kornizën e politikave mbi zbatimin e Ligjit për përdorimin e gjuhëve”. (Hotel Sirius, ora 11:00)

- Mbahet debati me temën “Liritë e mediave dhe pozita ekonomike e gazetarëve në Kosovë”. (Qendra Mediale në Çagllavicë, ora 11:00)

- Komisioni për Ekonomi, Industri, Ndërmarrësi dhe Tregti voton raportin vjetor të Komisionit të Pavarur për Miniera dhe Minerale për vitin 2021. (Ndërtesa e Kuvendit, salla N10, ora 11:00)

- Përfaqësuesit e Zyrës së BE-së, të IADK-së dhe të Komunës së Shtimes vizitojnë Florije Bislimin, njëra nga përfitueset e projektit “Mbështetja në punësimin e të rinjve dhe grave në zonat rurale përmes zhvillimit të bujqësisë”. (Fshari Godanc në Shtime, ora 11:40)

- Në kuadër të programit dhe ekspozitës Babylonian Vision të artistes Nora Al-Badri qe qëndron e hapur në Galeria 17 mbahet diskutim me temë "Dekolonializimi i artefakteve. Demokratizimi i muzeve". (Lapidariumi i Muzeut Kombëtar të Kosovës, ora 15:00)

- Kryetari i Komunës, Alban Hyseni, do të marrë pjesë në takimin e organizuar nga Rrjeti i Biznesit të Globit. (Vali Ranch në Gjilan, ora 18:30)