05 Dhjetor 2022

Fondacioni Shtatëmbëdhjetë fillon biseden për gjendjen e hapësirave të braktisura

Prishtinë, 23 tetor - Pas intervenimit artistik specifik për lokacionin, “but first, check the water”, në kuadër të edicionit të tretë të “Metamorphosis”, fillon me serinë e bisedave që e ka titulluar “Off the record”.

 Biseda e parë që do të zhvillohet sot në “Kino Armata”, fokusohet në gjendjen e hapësirave të braktisura.

Të ftuar për këtë bisedë do të jenë zëvendësministri i kulturës Engelbert Zefaj, drejtorja e kulturës në Komunën e Prishtinës, Blerta Basholli, drejtori i organizatës CHwB Sali Shoshi dhe poetja Ervina Halili, projekti “Rilindja”.

Se sa është e rëndësishme të ruhen hapësirat e braktisura, cilat janë hapat që duhet ndërmarrë për mbrojtjen dhe funksionalizimin e tyre, cili është roli i institucioneve dhe shoqërisë në përgjithësi në këtë drejtim, janë vetëm disa pika që do të trajtohen në kuadër të kësaj bisede.

Me këtë bisedë po e bëjmë hapin e parë drejt hapjes së diskutimit publik, ngritjes së përgjegjësisë institucionale ndaj objekteve të braktisura, dhe njëkohësisht vetëdijesimit rreth rëndësisë së tyre.

Praktika botërore tashmë na dëshmojnë se si hapësira të tilla mund të rifunksionalizohen dhe të hyjnë në shërbim për gjithë komunitetin. Po ashtu edhe se si mund të ruajmë një pjesë të historisë, qoftë ajo për nga vlerat e trashëgimisë kulturore, arkitektonike apo edhe simbolike për qytetin.

Metamorphosis, projekt i cili zbatohet nga Fondacioni Shtatëmbëdhjetë, e përdor artin dhe kulturën si mjet kryesor për të ngritur zërin për rëndësinë e shfrytëzimit të hapësirës publike.

Një gjë e tillë mendohet të arrihet duke rikthyer në jetë objektet e braktisura, t’i rivitalizojë ato qoftë edhe për një ditë.

Në këtë formë mëtohet që të dokumentohet kujtesa kolektive e një të kaluare për të cilën pak flitet, si dhe që hapësirat publike të shfrytëzohen për të mirën e komunitetit.

Metamorphosis, veçanërisht fokusohet në objekte, monumente, hapësira publike të cilat janë edhe produkt i proceseve të ndryshme shoqërore.
 

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Ministrja e Drejtësisë, Albulena Haxhiu do të bëjë lansimin e Protokollit Shtetëror për Trajtimin e Rasteve të Dhunës. (Hotel Emerald, ora 11:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Zëvendësministri i Drejtësisë, Blerim Sallahu, do të hapë ekspozitën e të burgosurve rreth rasteve të Dhunës në Familje. (Hollin e Ministrisë së Drejtësisë, ish objekti Rilindja, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)            


- Komisioni Qendror i Zgjedhjeve mban mbledhjen e radhës. (Objekti i KQZ-së, ora 16:30)