21 Tetor 2021

Filmi dokumentar “Mbijetesa dhe shkolla” shpallet filmi më i mirë

Prishtinë, 23 gusht - Filmi dokumentar “Mbijetesa dhe shkolla”  deri tani ka marr pjesë në 12 festivale ndërkombëtare në vende të ndryshme të botës dhe ka fituar 8 çmime.

77 herë është vlerësuar si dokumentari më i mirë, kurse  nga juria e Festivalit të filmit “World Film Carnival” në Singapore ka marrë çmimin e kritikës.

Në Festivalin ndërkombëtar të Filmit "Hyjnesha në fron" që përfundoi mbrëmë në Prishtinë, juria profesionale shpalli filmin “Mbijetesa dhe shkolla” si realizimin më të mirë të metrazhit të shkurtër dokumentar.

Producenti dhe skenaristi i filmit Nuhi Bytyçi, regjisori Ilir Kabashi dhe drejtori i fotografisë Bekim Qyqalla morën këtë çmim më të lartë nga juria dhe organizatorët e Festivalit.

Ata me këtë rast falënderuan jurinë dhe organizatorët e këti Festivali për vlerësimin e këtij filmi, që paraqet sakrificën e popullit shqiptar të Kosovës gjatë rrugëtimit të tij të gjatë për liri e pavarësi.

Filmi dokumentar „Mbijetesa dhe shkolla“ është një tregim i bukur për një kohë të keqe. Një oazë paqeje në kohë lufte.

Një shkollë najloni e ndërtuar në malet e Berishës që kishte tubuar rreth 200 nxënës të fshatrave përreth.

Fate njerëzish që shihen në harkun 20 vjeçar në xhirime autentike të kohës dhe të tashmes në rrethana krejtsisht të ndryshme, shpalosin më së miri fatin gri të njeriut.

Filmi është mbështetur nga Qendra Kinematografike e Kosovës dhe simbolikisht edhe nga Komuna e Prishtinës.

Ai është rezultat i punës intensive 2 vjeçare të ekipit të Kompanisë filmike “IDEA” në Prishtinë udhëhequr nga Nuhi Bytyçi, si producent dhe skenarist, i regjisorit Ilir Kabashi, Drejtorit të fotografisë, Bekim Qyqalla, i cili e ka bërë edhe montimin dhe postprodukcionin e filmit.

Muzikën e filmit e ka kompnuar Shkodran Tolaj, përkthimin dhe titrimin në gjuhën angleze e kanë bërë Flamur Abrashi dhe Profesori dhe miku im anglez Shaun Hughes, kurse titrimin Burim Emini.

Filmi dokumentar “Mbijetesa dhe shkolla”, shpërblehet nga juria profesionale në Angli, Stokholm, Turqi, Indi, është nominuar edhe në Festivalin e Parisit dhe në Amerikë, kurse pranohet në Tokyo Lift-Off Film Festival 2021.  

Filmi është selektuar zyrtarisht edhe nga organizatorët e Festivalit DEA OPEN AIR në Tiranë  dhe në atë ODA në Tetovë.

Filmi do të prezantohet edhe në festivale tjera me renome të filmave dokumentarë, ku presim edhe çmime të tjera.

 

Kalendari

Ngjarjet e datës 22 Tetor 2021 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me shoqaten e Familjeve të Heronjve dhe Dëshmorëve të Kombit për zgjidhjen e statusit të veprimtarëve invalidëve të plagosur para luftës çlirimtare në Kosovë. (Ndërtesa e Kuvendit, salla N10, ora 10:00)

- Shoqata për Teknologji të Informacionit dhe Komunikimit të Kosovës - STIKK organizon edicionin e 10-të të festivalit të teknologjisë “KosICT”. (Ambientet e “ITP Park” në Prizren, ora 10:00)

- Instituti Demokratik i Kosovës organizon konferencën “Ndikimi i dialogut me Serbinë në politikën e jashtme të Kosovës”. (Hotel Emerald, ora 10:30)

-  Komisioni Ad hoc për përzgjedhjen e kandidatëve për anëtar të Bordit të RTK-së shqyrton listën e kandidatëve të propozuar për anëtarë të Bordit të RTK-së. (Ndërtesa e Kuvendit, salla C203, ora 11:00)

- Ministria e Mbrojtjës organizon ceremoninë e betimit të rekrutëve të rijnë. (Kazerma e FSK-së “Skënderbeu” në Ferizaj, ora 11:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit miraton listën e ngushtë të kandidatëve për Drejtor të Agjencisë Kundër Korrupsionit. (Ndërtesa e Kuvendit, salla N204, ora 14:00)

- Mbahet edicioni i trtë i festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, Rruga Xheladin Hana nr. 98, ora 18:30)