26 Nëntor 2022

Diskutohet për përfshirjen e mediave në Ligjin për Sponsorizim

Prishtinë, 17 qershor - Ligji për Sponsorizim dhe përfshirja e sektorit medial në këtë ligj ishte një ndër temat kryesore të diskutimit në takimin e realizuar ndërmjet përfaqësuesve të Odës së Afarizmit të Kosovës (OAK) dhe Ministrit të Kulturës, Rinisë dhe Sportit Hajrulla Çeku.

Kryetari i bordit të OAK - së uroi Ministrin Çeku për pozitën dhe shprehu gatishmërinë e odës për bashkëpunim dhe përkrahje profesionale.

Ai tutje shtoi që kërkesë e sektorit medial tash e tri vite është përfshirja e mediave në Ligjin për Sponsorizim. Kjo kërkesë vie me qëllim që të lehtësohet puna e mediave dhe pavarësimi i tyre.

Sipas OAK-së ndarja e të drejtës autoriale dhe pronësisë intelektuale në dy dikastere të ndryshme po krijon konfuzitet tek bizneset, duke krijuar kështu vështirësi qoftë gjatë regjistrimit të emrit tregtar, markës apo edhe vjedhjes së të drejtave autoriale.

Ministri Çeku shprehu gatishmërinë për bashkëpunim në të gjitha çështjet që janë në dobi të zhvillimit ekonomik të vendit.

Pas analizës që do t’i bëhen këtyre kërkesave nëse dalim në përfundim që nuk kanë ndonjë pengesë ligjore, atëherë do t’i shtyejm para, shtoi Ministri Çeku.



 

Kalendari

Ngjarjet e datës 26 nëntor 2022 - Për nder të ditës së flamurit Federata e Pingpongut do të organizoj dy aktivitete duke filluar të me turneun e veteraneve. (ShFMU “Tefik Çanga” në Ferizaj, ora 10:00)

- UN Women dhe Aeroportit Ndërkombëtar të Prishtinës nisin fushatën “16 Ditët e Aktivizmit kundër Dhunës me Bazë Gjinore” e cila do të lansohet nga Ministrja e Drejtësisë, Albulena Haxhiu. (Ambientet e Aeroportit Ndërkombëtar të Prishtinës, ora 11:00)

- Ministrja e Drejtësisë, Albulena Haxhiu merr pjesë në tubimin me vajza e Gra të Komunës së Gjilanit. (Teatri i Qytetit në Gjilan, ora 12:30)

- Komisioni Qendror i Zgjedhjeve mban mbledhjen e radhës. (Objekti i KQZ-së, ora 13:00)

- Ministrja e Drejtësisë, Albulena Haxhiu viziton Panairin e Grave në Komunën e Gjilanit. (Sheshi i qytetit të Gjilanit, ora 13:30)

- Zëvendësministri i Drejtësisë, Blerim Sallahu së bashku me zëvendësministren e Ministrisë së Kulturës, Rinisë dhe Sportit, Daulina Osmani dhe kryetarin e Komunës së Gjilanit, Alban Hyseni do të vizitojnë Klubin e Basketbollit “ United Basketball” dhe Klubin e Hendbollit “Drita” në Komunën e Gjilanit. (Gjilan, ora 14:00)

- Në kuadër të shënimit të festës së 28 Nëntorit, kryetari i Komunës së Gjilanit, Alban Hyseni, pret në takim kryetarët e Komunave dhe kryesuesit e Kuvendeve Komunale të Kosovës Lindore, përfshirë edhe ata të AZHR – lindje, Likovën e Kumanovën. (Vali Ranch, ora 16:00)