04 Dhjetor 2022

Bullock aktorja më e keqe

SHBA, 8 mars - Sandra Bullock është turpëruar si aktorja më e keqe gjatë ndarjes së "çmimeve" të edicionit të sivjetëm të Golden Raspberry Awards, vetëm një ditë pasi do të konkurrojë për të fituar Oskar.

Edhe pse Bullock është e favorizuar për ta fituar Oskarin për rolin e saj në filmin "The Blind Side", ajo njëherit është vlerësuar si aktorja më e keqe për performancën e saj në filmin "All About Steve".

Aktorja doli në skenën e Razzie Awards me një grumbull DVD të filmit të saj, dhe kërkoi nga publiku që ta përcjellin edhe njëherë paraqitjen e saj, sepse ajo nuk është e bindur se e meriton këtë zhvlerësim.

Bullock mori edhe një tjetër 'vlerësim', si çifti më i keq në kran, me bashkaktorin Bradley Cooper, në filmin "All About Steve".

Humbës tjetër i madh ishte filmi "Transformers: Revenge of the Fallen", i cili mori vlerësimet si filmi më i keq i vitit 2009, regjia më e keqe (Michael Bay) dhe skenari më i keq ( Ehren Kruger, Roberto Orci dhe Alex Kurtzman).

Sienna Miller u shpall aktorja më e keqe në rol dytësor ("G.I. Joe"), ndërsa Billy Ray Cyrus mori çmimin e aktorit më të keq ("Hannah Montana: The Movie").

Shefat e Razzie Awards ndanë edhe vlerësimet për dhjetëvjetorin e fundit, me ç'rast filmi i John Travoltas, "Battlefield Earth", u vlerësua si filmi më i keq i dekadës, Paris Hilton si aktorja më e keqe, ndërsa Eddie Murphy si aktori më i keq.

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)