27 Janar 2023

Bashkësia Islame vlerëson bashkëpunimin e mirë të komunës së Mitrovicës

Mitrovicë, 23 shkurt - Kryetari i Komunës, Bedri Hamza, ka pritur në takim kryetarin e Bashkësisë Islame të Kosovës, myftiun Naim Tërrnava, i cili shoqërohej nga kryetari i BI-së në Mitrovicë, Enis Rama, me të cilin kanë biseduar për bashkërendimin e punëve në shërbim të qytetarëve duke spikatur vlerën e madhe të kombit shqiptar për tolerancë ndërfetare. 

Me këtë rast, kryetari Hamza, ka thënë se bashkëpunimi me Bashkësinë Islame, me imamët dhe me xhematin në Mitrovicë do të jetë në nivelin më të lartë. 

“Qeverisja lokale do të ofrojë bashkëpunim të afërt për BI-në, imamët por edhe me xhematin që së bashku të kontribuojnë në mirëqenien e të gjithë qytetarëve pa dallim, në kultivimin e harmonisë dhe tolerancës ndërfetare në vendin tonë”, ka thënë Hamza.

Kurse myftiu, Naim Tërrnava, pasi ka uruar kryetarin për detyrën e re, ka thënë se kjo është një përgjegjësi shumë e madhe, por edhe privilegj të jesh në shërbim të qytetarëve duke e vlerësuar edhe vullnetin e Komunës për një bashkëpunim të mirë me Bashkësinë Islame.

 

Kalendari

Ngjarjet e datës 27 janar 2023

 - Mbahet dita e dytë e konferencës Ndërkombëtare për Siguri Siguri Kinernetike “Cyber Zero” në të cilën diskutohet sulmet online dhe kërcenimet në sigurinë kibernetike. (Klan Arena, ora 9:00)
    
- Bordi i Komisionit të Pavarur për Miniera dhe Minerale raporton në Komisionin për Ekonomi, Industri, Ndërmarrësi dhe Tregti lidhur me vendimin për lirimin nga obligimi për rentën minerare për ndërmarrjen “Ferronikeli”. (Kuvendi i Kosovës, C203, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues të OJQ-së “Zëri i Romëve, Ashkalinjve dhe Egjiptasve”. (Kuvendi i Kosovës, salla N10, ora 10:00)
    
- Ministri i Financave Punës dhe Transfereve, Hekuran Murati, raporton në Komisionin për Buxhet, Punë dhe Transfere, lidhur me vendimin për rritjen e vlerës së faturave të tatimit në pronë. (Kuvendi i Kosovës, C203, ora 13:30)
    
- Në Akademinë e Kosovës për Siguri Publike (AKSP) mbahet ceremonia e diplomimit të gjeneratës së 42 të kadetëve të Shërbimit Korrektues të Kosovës (SHKK). Merr pjesë ministrja e Drejtësisë, Albulena Haxhiu etj. (Ndërtesa e re e Fakultetit të Sigurisë Publike në AKSP, Vushtrri, ora 13:30)
    
- Universiteti Publik “Kadri Zeka” në Gjilan do të nderojë me çmimin “Doctor Honoris Causa” anëtarin e Parlamentit Evropian, Lukas Mandl. (Teatri i Qytetit, Gjilan, ora 15:00)