27 Janar 2023

Avatar & Inglourious udhëheqin nominimet në Empire Awards

Hollywood, 26 shkurt - Filmi i Quentin Tarantinos, "Inglourious Basterds", dhe filmi i James Cameronit, "Avatar", kanë marrë nga pesë nominime për edicionin e sivjetëm të Empire Film Awards.

Të dy filmat do të konkurrojnë në kategorinë e filmit më të mirë, ku do të kenë përballë filmat: "Star Trek", "District 9" dhe "The Hurt Locker". Ndërsa të njëjtit pesë filma konkurrojnë edhe për çmimin e regjisorit me të mirë.

Aktorët kryesorë te "Inglourious Basterds" dhe "Avatar" konkurrojnë po ashtu në kategorinë e aktorit më të mirë (Christoph Waltz dhe Sam Worthington) dhe aktoret më të mirë (Melanie Laurent dhe Zoe Saldana).

"Inglourious Basterds" është i nominuar edhe për çmimin 'trileri më i mirë', ndërsa "Avatar" konkurron për filmin më të mirë fantastiko-shkencor. 

Kalendari

Ngjarjet e datës 27 janar 2023

 - Mbahet dita e dytë e konferencës Ndërkombëtare për Siguri Siguri Kinernetike “Cyber Zero” në të cilën diskutohet sulmet online dhe kërcenimet në sigurinë kibernetike. (Klan Arena, ora 9:00)
    
- Bordi i Komisionit të Pavarur për Miniera dhe Minerale raporton në Komisionin për Ekonomi, Industri, Ndërmarrësi dhe Tregti lidhur me vendimin për lirimin nga obligimi për rentën minerare për ndërmarrjen “Ferronikeli”. (Kuvendi i Kosovës, C203, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues të OJQ-së “Zëri i Romëve, Ashkalinjve dhe Egjiptasve”. (Kuvendi i Kosovës, salla N10, ora 10:00)
    
- Ministri i Financave Punës dhe Transfereve, Hekuran Murati, raporton në Komisionin për Buxhet, Punë dhe Transfere, lidhur me vendimin për rritjen e vlerës së faturave të tatimit në pronë. (Kuvendi i Kosovës, C203, ora 13:30)
    
- Në Akademinë e Kosovës për Siguri Publike (AKSP) mbahet ceremonia e diplomimit të gjeneratës së 42 të kadetëve të Shërbimit Korrektues të Kosovës (SHKK). Merr pjesë ministrja e Drejtësisë, Albulena Haxhiu etj. (Ndërtesa e re e Fakultetit të Sigurisë Publike në AKSP, Vushtrri, ora 13:30)
    
- Universiteti Publik “Kadri Zeka” në Gjilan do të nderojë me çmimin “Doctor Honoris Causa” anëtarin e Parlamentit Evropian, Lukas Mandl. (Teatri i Qytetit, Gjilan, ora 15:00)