26 Maj 2022

“Aroma e Hënës”, dramë provokative që vije si grishje për ndërgjegjësim shoqëror

Gjilan, 24 janar - “Flakën e  Janarit” po e mban ndezur tutje Festivali i Dramës Origjinale Shqipe “Talia e Flakës”, përmes shfaqjeve që po vijnë në skenën e Teatrit të Qytetit në Gjilan, ku nata e dytë ishte e rezervuar për shfaqjen ‘Aroma e Hënës’ me autor Mehmet Kraja dhe regji të Rozi Kostanit, luajtur nga trupa e Teatrit Kombëtar të Kosovës.

“Aroma e Hënës” është pjesa e fundit e trilogjisë “Hëna prej letre” e autorit Mehmet Kraja që vlerësohet si një dramë provokative e ditëve tona, filozofike dhe surealiste e cila ngre teza të fuqishme ekzistenciale, social-politike e politiko-mediale.

Drama e Krajës, regjia e Kostanit dhe loja e kastës së aktorëve të Teatrit Kombëtar të Kosovës ka bërë që shfaqja të komunikojë me publikun e zjarrtë gjilanas, që kësaj here ishte me numër të kufizuar, për shkak të masave anti-pandemi.

Përndryshe, ngjarja zhvillohet në redaksinë e një gazete në Kosovën e pasluftës. Përgjatë rrjedhës së kësaj ngjarje, që vije përmes shfaqjes “Aroma e Hënës”, ngritën dilema dhe pikëpyetje esenciale, për luftën, për paqen, për lirinë, shtetin, demokracinë, për shpresën, për zhgënjimin...  ngritën problematikat evidente në realitetin tonë, në shoqërinë tonë, në politikën tonë, në mediumet tona..., në zhgënjimin e individit...

Shfaqja përshkruan realitetin tonë në të cilin po jetojmë edhe sot, por sidomos në dy dekadat e fundit. Pra na rikujton përjetimet e luftës, por edhe çfarë po përjetojmë paslufte.

Pas një lufte vije paqja, vije liria e shumëpritur, por kjo liri a po i përmbush pritjet, a po i japim kuptim lirisë, a e kemi harruar çmimin e paguar për të, gjakun e derdhur, apo po abuzohet me të... Shumë pyetje, shumë dilema, shumë gjykime solli kjo shfaqje.

Drama arriti që ta përçojë mesazhin te publiku i pranishëm, një mesazh që na grish për ndërgjegjësim shoqëror, që ne duhet të vetëdijesohemi e ndërgjegjësohemi lidhur me atë se ku ishim, ku jemi, rrugën që e kemi kaluar më shumë se dy dekada pas çlirimit, por që në fakt jemi çliruar nga armiku, por se kemi bërë dot çlirimin e brendshëm, çlirimin nga të këqijat tona që na mbajnë peng e që janë përbrenda nesh, që dëshmohen me realitetin tonë aktual...

Referuar subjektit të shfaqjes, autori Kraja na përballi me pikëpyetje ekzistenciale të së shkuarës, së tashmes dhe së ardhmes, (e cila nuk ka ardhur ende por me gjasë do t’i ndryshojë disa gjëra),duke i ballafaquar personazhet në raporte sa sociale aq edhe filozofike. Perceptimi i të shkuarës shpresëmadhe luftës, dhe pas lufte… kush jemi ne…, ku jemi… a ka ardhur liria…, demokracia në këtë vend çfarë është, dhe në fund, a jemi të lumtur?! Apo, Liria është një shpikje e pamundur! Kjo përçapje për të kuptuar këtë kaos shpirtëror e mendor i zhvillon karakteret drejt një konflikti dramatik të përshkallëzuar dhe duke mos gjetur rrugëdalje ata shkojnë drejt fatalitetit.

Në shfaqje luajtën: Ismet Azemi, Armend Baloku, Donikë Ahmeti, Shpëtim Kastrati, Xhejlane Godanci, Veton Osmani, Naim Berisha, Adhurim Demi, Basri Lushtaku, Butrint Lumi dhe Ramadan Malaj.

Përndryshe, Festivali i Dramës Shqipe vazhdon tutje me shfaqjen “5 ditë mbret” me tekst të Stafan Çapalikut e regji të Gjergj Prevazi, nga Teatri “Andon Zako Çajupi” i Korçës.

 

Kalendari

Ngjarjet e datës 27 maj 2022

- Fillon punimet konferenca “Qasjet Aktuale në Diagnostikimin dhe Menaxhimin e Pacientëve me Sklerozë Multiple, Dita Botërore e Sklerozës Multiple 2022”. (Four Points by Sheraton, Marigona Residencë, ora 9:00)

- Ministri i Ministrisë së Mjedisit, Planifikimit Hapësinor dhe Infrastrukturës, Liburn Aliu raporton para Komisionit për Mjedis, Ushqim, Bujqësi, Planifikim dhe Zhvillim. (Ndërtesa e Kuvendit, salla N302, ora 10:00)

- Drejtoresha e Misionit të USAID-it, Zeinah Salahi, do të flasë në hapjen e Forumit të Bizneseve të Diasporës. (Swiss Diamond Hotel, ora 10:00)

- Kolegji AAB organizon hapjen zyrtare të edicionit të parë të Panairit të Karrierës dhe Punësimit AAB 2022. (Kolegji AAB, ora 10:00)

- Në kuadër të projektit “Evropa Juglindore - Së Bashku Kundër Korrupsionit” mbahet konferenca për media, në të cilën do të prezantohet raporti me titull “Nevoja për institucionalizimin e vlerësimit anti-korrupsion në Kosovë”, në të cilin raport trajtohet ndryshimi e shpeshtë i ligjeve anti-korrupsion dhe nevoja që ndryshimeve të ligjeve tu paraprijë vlerësimi periodik i legjislacionit dhe masave anti-korrupsion. (Hotel Sirius, ora 10:00)

- Oficerë të lartë nga Kroacia dhe Shqipëria që ishin pjesë e UÇK-së bëjnë homazhe në Kompleksin Memorial në Prekaz. (Prekaz, ora 10:00)

-  Zyrtari për Sektorin Privat në USAID, Mathju Kulinajn, bashkë me Ministren e Arsimit, Shkencës, Teknologjisë dhe Inovacionit, Arbërie Nagavci, do të mbajnë fjalë rasti në ceremoninë përmbyllëse të Programit të USAID-it Përkrahje Adoleshentëve pas Mësimit të Rregullt. (Hoteli Emerald, ora 10:30)

- Komuna e Rahovecit bën homazhe te vendi i rënies së dëshmorëve të kombit Sadedin Hajda dhe Mexhit Mustafa. (Hamoc, ora 11:00)

- Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës diskuton rreth emrave të ekspertëve. (Ndërtesa e Kuvendit, salla  N303, ora 11:00)

- Komuna e Rahovecit bën homazhe të vendi i rënies së dëshmorëve të kombit Feim Gashi, Sakip Bellaqa, Përparim Thaqi në fshatin Fortesë. (Fortesë, ora 12:00)

- Qendra për Informim, Kritikë dhe Aksion organizon konferencë për media si pjesë e Javës Kundër Varfërisë Menstruale dhe Stigmatizimit të menstruacioneve. (Para Bibliotekës Kombëtare, ora 12:30)

- Komuna e Rahovecit bën homazhe në vendin e rënies së dëshmorëve të kombit Milaim Morina dhe Xhevdet Krasniqi. (Në rrugën Fortesë-Celinë, ora 13:0)

- Ministrja e  Industrisë, Ndërmarrësisë dhe Tregtisë, Rozeta Hajdari, do të takohet me një delegacion nga Shqipëria, të kryesuar nga ministrja e Ministrisë së Turizmit dhe Mjedisit të Shqipërisë, Mirela Kumbaro, me rastin e organizimit të konferencës “Turizmi i përbashkët Kosovë - Shqipëri”. (Hotel Prishtina, ora 14:00)

- Mbahet konferenca për media e përzgjedhësit Alain Giresse në kuadër të grumbullimit për katër ndeshjet e muajit qershor në UEFA Nations League. (Hotel Emerald, ora 14:00)

- Komuna e Rahovecit bën homazhe në vendin e rënies së dëshmorëve të kombit në fshatin Brestoc. (Brestoc, ora 14:00)

- Kombëtarja e Kosovës i fillon stërvitjet dhe do t’i mbajë dy seanca në Kampin Nacional në Hajvali. (Stërvitja e parë mbahet, ora 10:30 derisa stërvitja e dytë, ora 17:30)