19 Janar 2022

Sasia e mbeturinave industriale të gjeneruara në 2020 ka qenë 2 137 015 ton

Prishtinë, 21 dhjetor - Agjencia e Statistikave të Kosovës (ASK) publikon rezultatet e Anketës së Mbeturinave Industriale (AMI) për vitin 2020. Njësitë raportuese të përfshira në anketë kanë qenë bizneset  me 10 e më shumë punëtorë.

Anketa e mbeturinave industriale u realizua sipas NACE Rev.2. Kompanitë janë klasifikuar sipas NACE Rev.2 në sektorët e aktiviteteve vijuese: B - Xehetari dhe Gurore, C - Prodhimi, D - Furnizim me energji elektrike, gaz, avull dhe furnizim me ajër të kondicionuar, E - Furnizim me ujë, kanalizim, menaxhim të mbeturinave dhe rregullim toke, F – Ndërtimtaria, dhe G-U - Sektorët e shërbimeve.

Rezultatet e AMI 2020, tregojnë se: gjithsej sasia e mbeturinave industriale të gjeneruara ka qenë 2 137 015 ton, ku krahasuar me vitin 2019 ishte 2% më e lartë.

Gjithsej sasia e mbeturina të ricikluara ishte 180 022 ton. Sasia më e lartë e mbeturinave industriale të ricikluara ka qenë në sektorin B, me gjithsej 177 626 ton, ku krahasuar me vitin 2019 (me sektorin e njëjtë ) ishte 11% më e lartë.

Mbeturinat e deponuara ishin 1 918 457 ton, ku krahasuar me vitin 2019 ishte 26% më e lartë.

Gjithsej mbeturinat e përpunuara ishin 2 137 095 ton, ku krahasuar me vitin 2019, ishin 2% më e lartë.

Mbeturinat e djegura ishin 453 ton.

Të dhënat e vitit 2020 tregojnë se sasia më madhe e mbeturinave të gjeneruara sipas sektorëve të industrisë  ka qenë nga sektori D me, 1 361 595 ton, krahasuar me vitin 2019 ka qenë  3.8%  më e lartë

Kalendari

Ngjarjet e datës 19 janar 2022

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Projektligjin për ndryshimin dhe plotësimin e Ligjit për Shitjen e Banesave për të cilat ekziston e Drejta Banesore, shqyrton raportin e grupit punues në lidhje me zbatimin e mbikëqyrjes së Ligjit për përgjegjësinë disiplinore të gjyqtarëve dhe prokurorëve, etj. (Ndërtesa e Kuvendit, salla N303, ora 10:00)

- Instituti i Kosovës për Drejtësi me përkrahje të Departamentit të Shtetit Amerikan - Byrosë Ndërkombëtare për Çështje të Narkotikëve dhe Zbatimit të Ligjit dhe NED-it mban konferencë për media në të cilën do të prezantohet analiza me titull “Konfiskimi i pasurisë së pajustifikueshme: problemet juridike të Projektligjit aktual”. (Hotel Sirius, ora 10:00)

- Komisioni për Shëndetësi dhe Mirëqenie Sociale shqyrton draft raportin e monitorimit të Ligjit për Shëndetin Mendor dhe diskuton për punën e Këshillit për Objektivat e Zhvillimit të Qëndrueshëm. . (Ndërtesa e Kuvendit, salla N302, ora 10:00)

- Komisioni për Mbikëqyrjen e Financave Publike inicon procedurat lidhur me auditimin e raporteve vjetore financiare dhe raportet e deklarimit financiar të fushatës, së subjekteve politike, për vitin 2021. (Ndërtesa e Kuvendit, salla N10, ora 10:00)
 
- Lëvizja FOL vazhdon serinë e debateve FOL Hapur me Ministren e Industrisë, Ndërmarrësisë dhe Tregtisë, Rozeta Hajdari. (Hotel Sirius, ora 11:00)

- The British School of Kosova organizon shfaqjen edukativo - arsimore për fëmije  "Mushkonjat dhe Princi". (Teatri "Faruk Begolli" në Kolegjin AAB, ora 11:00)

- Administrata Tatimore e Kosovës mban ceremoninë e themelimit të 22 vjetorit të saj në të cilën do të marrin pjesë Ministri i Financave, Punës dhe Transfereve Hekuran Murati dhe drejtues nga odata ekonomike, përfaqësues nga institucionet ndërkombëtarë, si dhe përfaqësues nga organizatat e kontabilitetit. (Qendra e Shërbimit për Tatimpagues, ish-ndërtesa e Gërmisë, sheshi Skënderbeu, ora 14:00)

- Në kuadër të manifiestimit 'Flaka e Janarit' hapet ekspozitë memoaresh e kujtimesh "Dhoma e Kadriut, Jusufit dhe Bardhoshit". (Muzeu Etnologjik i qyteti të Gjilanit, ora 16:00)

- Partia Socialdemokrate do të mbaj tubim me qytetarë ku do të shpaloset Manifesti - dokumenti i parë i partisë. (Hotel Grand, ora 17:00)