07 Maj 2021

Prodhimi industrial në Evropë shënon rënie

Bruksel, 15 prill - Agjencia e Statistiakave Evropiane ka njoftuar se prodhimi industrial në Evropë ka shënuar rënie në muajin shkurt krahasuar me të njëjtin muaj të vitit të kaluar.

Shifra ka rënë në BE dhe në eurozonë me 1,1 për qind dhe 1,6 për qind, përkatësisht, sipas një deklarate nga Eurostat.

Eurozona, ose EA19, përfaqëson vendet anëtare që përdorin monedhën e vetme euro, ndërsa EU27 përfshin të gjitha vendet anëtare të bllokut.

Midis shteteve anëtare për të cilat ka të dhëna të disponueshme, rritjet më të larta u regjistruan në Irlandë (41,4 për qind), Lituani (9,7 për qind) dhe Finlandë (5,6 për qind), ndërsa rëniet më të mëdha janë shënuar në Maltë (10,9 për qind), Estoni (8,9 për qind) dhe Francë (6,4 për qind).

Në BE, prodhimi i mallrave të qëndrueshëm të konsumit gjatë së njëjtës periudhë është rritur me 2,4 për qind dhe i mallrave të ndërmjetëm 0,5 për qind, ndërsa prodhimi i mallrave të konsumit jo të qëndrueshëm ka rënë me 3,8 për qind, i mallrave kapitale 2,4 për qind dhe energjisë 1,5 për qind.

Në bazë mujore, prodhimi industrial ka rënë gjithashtu me 0,9 për qind në BE dhe 1 për qind në eurozonë në shkurt në krahasim me janarin.

Kalendari

Ngjarjet e datës 7 Maj 2021

- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit takohet me mbrojtësit e viktimave. (Pallati i Drejtësisë, ora 9:30)

- Lëvizja FOL organizon tryezë diskutimi me ç’rast publikon raportin “Realizimi i Planit të Punës së KPK-së dhe PSh-së për vitin 2020”. (Hotel Sirius, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur dhe Peticione shqyrton Propozim-vendimit e Avokatit të Popullit lidhur me zgjedhjen e 5 zëvendësve të Avokatit të Popullit. (Ndërtesa e Kuvendit, salla N303, ora 10:00)
    
- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit viziton Qendrën për Mbrojtjen e Grave dhe Fëmijëve. (Strehimorja, Ulpianë, ora 10:45)
    
- KDI mban konferencë për medie ku do të shpalosën të gjeturat e hulumtimit mbi transparencën e komunave të Kosovës në prokurim publik, për vitin 2020. (Zyret e KDI-së, ora 11:00)
    
- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit takohet me Njësitin Kundër Dhunës në Familje-Policia e Kosovës. (Drejtoria e Përgjithshme e Policisë së Kosovës, ora 11:45)
    
- Ambasadori i BE-së në Kosovë, Tomas Szunyog, do ta ndajë çmimin “Evropiani i Vitit 2021”, i cili jepet për të gjashtën herë radhazi nga BE-ja. (Shtëpia e Evropës, ora 13:00)