30 Shtator 2022

Kompania ruse e naftës "Lukoil" shënon rënie me 73.5 për qind

Moskë, 25 nëntor - Fitimet e kompanisë së dytë më të madhe të prodhimit të naftës ruse Lukoil u ulën në tremujorin e tretë të vitit 2020 me 73.5 për qind në 50.4 miliardë rubla, (afro 664 milionë dollarë) krahasuar me të njëjtin tremujor të vitit 2019, njoftoi kompania.

Kompania kishte regjistruar 190.4 miliardë rubla fitime në të njëjtin tremujor të vitit 2019.

Për më tepër, Lukoil ktheu një humbje në fitim në periudhën korrik-shtator falë rritjes së çmimit të naftës, krahasuar me humbjen prej 18.7 miliardë rubla në tremujorin e mëparshëm.

Të ardhurat e ndërmarrjes ruse gjithashtu ranë në tremujorin e tretë të vitit 2020 me 25.4 për qind në 1.46 trilionë rubla, krahasuar me të njëjtën periudhë të vitit të kaluar.

"Rritja i atribuohej kryesisht çmimeve më të larta të hidrokarbureve, prodhimit më të lartë të produkteve të rafinuara në rafineritë e grupit si dhe vëllimeve më të larta të tregtisë dhe shitjeve me pakicë", thuhet në deklaratë.

Lukoil theksoi se ka ulur prodhimin e saj të naftës me rreth 310 mijë fuçi në ditë në përputhje me marrëveshjen me një numër vendesh prodhuese të naftës, përfshirë anëtarët e OPEC-ut dhe Rusinë, të nënshkruar në prill të këtij viti.

Kompania tha se rriti prodhimin e saj të brendshëm të naftës së papërpunuar në korrik me afërsisht 20 mijë fuçi në ditë pasuar nga një rritje në gusht me rreth 60 mijë fuçi në ditë.

Prodhimi i naftës bruto të kompanisë u zvogëlua gjithashtu në disa projekte ndërkombëtare. Kjo ishte e dukshme veçanërisht në Irak, ku kishte një rënie prej afërsisht 70 mijë fuçi në ditë duke filluar nga 1 maji 2020 dhe më tej ra me 50 mijë fuçi në ditë shtesë nga mesi i qershorit.

 

Kalendari

Ngjarjet e datës 30 shtator 2022

- Në Ditën Ndërkombëtare e Personave të Moshuar UNFPA prezanton të dhenat kyqe dhe opsionet e dala nga anketa për izolimin social tek personat e moshuar në Kosovë. (Hotel International Prishtina, ora 10:00)

- Mbahet takimi i 219-të i Këshillit Prokurorial të Kosovës. (Online, ora 10:00)

- Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës interviston Hekuran Murati, Minister i Financave, Punës dhe Transfereve dhe interviston Ymer Fejzullahu, Kryesues i Bordit të Zyrës së Rregullatorit për Energji. (Ndërtesa e Kuvendit, salla N204, ora 10:00)

- Balkan Green Foundation me mbështjetje të Heinrich Böll Stiftung mban konferencë për media, në të cilën do të prezentohet hulumtimi: “Kriza Energjetike në Ballkanin Perëndimor: Masat e ndërmarra në kohën e rritjes së çmimeve të energjisë”. (Zyret e Balkan Green Foundation afër Librarisë Koha në Prishtinë, ora 12:00)

- Nën organizimin e organizatës gjermane GIZ, kryetarët e komunave të regjionit të Gjilanit nënshkruajnë memorandum mirëkuptimi. (Hotel Astoria në Gjilan, ora 13:00)

- Kryeministri i Republikës së Kosovës, Albin Kurti, së bashku me Zëvendëskryeministren për Çështje të Pakicave dhe të Drejtat e Njeriut, znj. Emilija Redžepi, marrin pjesë në tryezën e rrumbullakët me komunitetin boshnjak, organizuar nga Zyra për Çështje të Komuniteteve e Zyrës së Kryeministrit. (Ndërtesa e Qeverisë, ora 13:30)

- Presidenti i FIFA-s, Gianni Infantino do të qëndrojë në Kosovë ku mbajë edhe një konferencë për media. (Selia e Federatës së Futbollit, ora 15:00)

- Kryeministri i Kosovës, Albin Kurti, ministri Hajrulla Çeku, përfaqësues të Federatës së Xhudos të Kosovës marrin pjesë në ceremoninë e lansimit të programit "Kosova, shtet i xhudos”. (Lapidariumi i Muzeut Kombëtar të Kosovës, ora 17:00)

- Qendër Telefonike për Parandalim të Vetëvrasjes Linja e Jetës organizon një koncertë për mbledhje të fondeve në mënyrë që të mos mbyllet pasi është në gjendje të rënduar financiare, ora 20:30