16 Tetor 2021

Klubi i Prodhuesve i ofron bashkëpunim ndërinstitucional Qeverisë

Prishtinë, 31 maj - Kryetari i Klubit të Prodhuesve të Kosovës, Berat Mustafa së bashku me nënkryetarin Bashkim Osmani dhe sekretarin gjeneral Vllaznim Osmani ishin sot në një takim pune me Ministren e Ekonomisë, Artane Rizvanollin.

Ndër të tjera në takim u diskutua për gjendjen e sektorit të prodhimit, dixhitalizimin e këtij sektori, gjendjen e furnizimit me energji elektrike dhe diversifikimin e burimeve energjetike, por edhe për  rishikimin e bazës ligjore të liberalizimit të tregut të energjisë.  

Klubi i Prodhuesve e njoftoi ministren Rizvanolli mbi punën dhe aktivitetet të cilat është duke i zhvilluar, ndërsa ministrja Rizvanolli diskutoi më shumë rreth zhvillimeve në Ministrinë e Ekonomisë dhe prioritetet kryesore, përfshirë adresimin e sfidave në sektorin e energjisë dhe përmirësimin e performancës dhe llogaridhënies të ndërmarrjeve publike.

Klubi i Prodhuesve të Kosovës shprehu edhe njëherë ofrimin e bashkëpunimit ndërinstitucional ndaj Ministrisë së Ekonomisë por edhe ndaj Qeverisë së Kosovës drejt zhvillimit të qëndrueshëm ekonomik dhe u zotua në mbështetjen e plotë sa i përket këtij drejtimi.

Kalendari

Ngjarjet e datës 16 Tetor 2021

- Misioni vendor për vëzhgimin e zgjedhjeve “Demokracia në Veprim” do të organizojë konferencë për media, ku do të shpalosen të gjeturat kryesore nga vëzhgimi i fushatës për zgjedhjet lokale të 17 tetorit. (Zyrat e KDI-së, rruga “Bajram Kelmendi”, ora 10:00)
 
- Komisioni Qendror i Zgjedhjeve bën shpërndarjen e materialit kryesor zgjedhor, ku bëjnë pjesë edhe fletëvotimet, për Zgjedhjet Lokale 2021. (Depoja qendrore e KQZ-së, përballë QNR-së, ora 10:00)

- Federata e Pingpongut organizon në bashkëpunim me KPP ‘Gani Maloku’ kanë paraparë organizimin e turneut të dytë memorial të veteranëve në nder të Gani Malokut.. (SHMU Tefik Çanga në Ferizaj, ora 14:00)