27 Nëntor 2022

Inicohet themelimi i Shoqatës së Prodhuesve në OEK

Prishtinë, 5 tetor - Me iniciativën e Odës Ekonomike të Kosovës, sot është mbajtur mbledhja e Këshillit Iniciativ për themelimin e Shoqatës së Prodhuesve të Kosovës, që përfshinë të gjitha degët e prodhimit.

Kryetari i Odës Ekonomike të Kosovës, Lulzim Rafuna, ka mirëpritur kompanitë prodhuese vendore për rithemelimin e kësaj Shoqate duke theksuar rëndësinë e tyre në zhvillimin ekonomik të vendit dhe problemet me të cilat ballafaqohen vazhdimisht.

Themelimi i Shoqatës së Prodhuesve në nivel të Kosovës do të ishte një hap shumë i rëndësishëm përpara në zgjidhjen e problemeve dhe përmirësimin e ambientit ekonomik për ndërmarrjet prodhuese vendore.

Krahas të gjitha problemeve, Kryetari Rafuna vlerësoj tej mase punën e prodhuesve, duke i cilësuar si akterë shumë të rëndësishëm në rritjen e punësimit, ngritjen e vlerave ekonomike e sociale, ngritjen e imazhit të vendit dhe kontributin e tyre të vazhdueshëm në fuqizimin e sektorit privat në Kosovë.
 
 

Kalendari

Ngjarjet e datës 27 nëntor 2022

- Në shënim të 110-vjetorit të Pavarësisë Shqipërisë do të mbahet mbledhje e përbashkët e Kuvendit të Republikës së Kosovës dhe Kuvendit të Republikës së Shqipërisë. (Kuvendi i Shqipërisë në Tiranë, ora 10:00)

- Me rastin e Ditës së Forcës, Ministria e Mbrojtjes dhe Forca e Sigurisë së Kosovës organizojnë “Ditën e Hapur’’ në të cilën do të marrin pjesë edhe udhëheqësit më të lartë shtetërorë, si dhe përfaqësuesit ushtarakë e diplomatikë të vendeve partnere. (Kazerma “Adem Jashari”, ora 12:00)