30 Shtator 2022

Fillon ndërtimi i ujësjellësit për 11 fshatra të Klinës

Klinë, 7 dhjetor - Në Komunën e Klinës kanë filluar punimet për ndërtimin e ujësjellësit për njëmbëdhjetë fshatra, projekt ky me një vlerë prej 1 484 993 euro dhe i financuar nga Qeveria Zvicerane, e cila ka mandatur organizatën CDI për implementimin e këtij projekti, pas kërkesës nga komuna.

Sot, Kryetari i Komunës, Prof. Dr. Zenun Elezaj, i shoqëruar nga nënkryetari, z. Besim Hoti, drejtori i Shërbimeve Publike dhe Emergjente, z. Iber Elezaj, Astrit Vokshi, përfaqësues i CDI-së në Kosovë, kanë marrë pjesë në përurimin e punimeve për realizimin e këtij projekti.

Kryetari Elezaj, më këtë rast, theksoi se zgjidhja e problemit për furnizim me ujë ka qenë dhe mbetet prioritet i tij dhe shtoi se ky është një nga projektet më të nevojshme dhe më të mëdha të realizuara në Komunën e Klinës, në kuadër të cilit do të bëhet edhe rehabilitimi i rrjeteve ekzistuese në disa fshatra, kurse në fshatra tjera do të ndërtohet rrjeti i ri, ndërsa furnizimi me ujë do të bëhet nga Pusi i Jarinës.

Elezaj ka shprehur falënderim ndaj CDI-së për financimin e projektit dhe ka uruar qytetarët për fillimin e punimeve, duke theksuar se pas përfundimit të projektit do të zgjidhet problemi me furnizim me ujë për 11 fshatrat lindore të Komunës së Klinës.

Ai shtoi se Komuna në bashkëpunim me Ministrinë e Ekonomisë dhe Ambientit janë duke vazhduar projektin për rritjen e kapacitetit të ujit në fabrikën e ujit në Klinë, që do të ndikojë në përmirësimin e furnizimit me ujë në qytet. Astrit Vokshi, përfaqësues i CDI-së në Kosovë, theksoi se projekti pritet të përfundojë në një afat një vjeçar, në shtator ose tetor të vitit 2021.

Në këtë projekt janë të përfshirë 11 fshatra, me rreth 10 000 banorë dhe afër 80 km rrjet të ujësjellësit, 2 stacione pompimi, një rezervuar me vëllim prej 1000 metra kub si dhe tre rezervuar me vëllim prej 100 metra kub, si dhe pjesa elektrike të pompave si dhe pompat. Fshatrat në të cilat do të ndërtohet apo rehabilitohet rrjeti i ujësjellësit janë: Caravik, Çabiq, Zabergjë, Ujmirë, Doberdol, Rixhevë, Stapanicë, Gllarevë, Përqevë, Gjurgjevik i Madh dhe Stupë.

Kalendari

Ngjarjet e datës 30 shtator 2022

- Në Ditën Ndërkombëtare e Personave të Moshuar UNFPA prezanton të dhenat kyqe dhe opsionet e dala nga anketa për izolimin social tek personat e moshuar në Kosovë. (Hotel International Prishtina, ora 10:00)

- Mbahet takimi i 219-të i Këshillit Prokurorial të Kosovës. (Online, ora 10:00)

- Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës interviston Hekuran Murati, Minister i Financave, Punës dhe Transfereve dhe interviston Ymer Fejzullahu, Kryesues i Bordit të Zyrës së Rregullatorit për Energji. (Ndërtesa e Kuvendit, salla N204, ora 10:00)

- Balkan Green Foundation me mbështjetje të Heinrich Böll Stiftung mban konferencë për media, në të cilën do të prezentohet hulumtimi: “Kriza Energjetike në Ballkanin Perëndimor: Masat e ndërmarra në kohën e rritjes së çmimeve të energjisë”. (Zyret e Balkan Green Foundation afër Librarisë Koha në Prishtinë, ora 12:00)

- Nën organizimin e organizatës gjermane GIZ, kryetarët e komunave të regjionit të Gjilanit nënshkruajnë memorandum mirëkuptimi. (Hotel Astoria në Gjilan, ora 13:00)

- Kryeministri i Republikës së Kosovës, Albin Kurti, së bashku me Zëvendëskryeministren për Çështje të Pakicave dhe të Drejtat e Njeriut, znj. Emilija Redžepi, marrin pjesë në tryezën e rrumbullakët me komunitetin boshnjak, organizuar nga Zyra për Çështje të Komuniteteve e Zyrës së Kryeministrit. (Ndërtesa e Qeverisë, ora 13:30)

- Presidenti i FIFA-s, Gianni Infantino do të qëndrojë në Kosovë ku mbajë edhe një konferencë për media. (Selia e Federatës së Futbollit, ora 15:00)

- Kryeministri i Kosovës, Albin Kurti, ministri Hajrulla Çeku, përfaqësues të Federatës së Xhudos të Kosovës marrin pjesë në ceremoninë e lansimit të programit "Kosova, shtet i xhudos”. (Lapidariumi i Muzeut Kombëtar të Kosovës, ora 17:00)

- Qendër Telefonike për Parandalim të Vetëvrasjes Linja e Jetës organizon një koncertë për mbledhje të fondeve në mënyrë që të mos mbyllet pasi është në gjendje të rënduar financiare, ora 20:30