New York, 3 dhjetor - Sipas vlerësimeve të ekspertëve të Kombeve të Bashkuara, viti 2010 mund të jetë viti më i ngrohtë që prej fillimit të matjeve të rregullta të temperaturës në vitin 1850.

Kështu njoftoi Zyra Meterologjike Botërore WMO, në kuadër të konferencës së klimës në Cancun të Meksikës.

Veçanërisht në Afrikë si dhe në disa pjesë të Azisë, në Antarktidë dhe Kanada, janë shënuar ngritje të temperaturave.

Për dallim kanë rëndë dukshëm temperaturat në pjesë të Evropës, Amerikës Jugore, Shteteve të Bashkuara të Amerikës, Sibirisë dhe Kinës Lindore.

Dekada 2001-2010 ka qenë dhjetëvjeçari më i ngrohtë, që prej fillimit të matjeve të temperaturës.