07 Dhjetor 2021

Termocentrali “Kosova e re”, përzgjidhen 4 konsorciume

Prishtinë, 5 mars - Komiteti drejtues për Termocentralin “Kosova e re” ka bërë të ditur se ka përzgjedhur katër konsorciume ndërkombëtare për ndërtimin e këtij termocentrali, nga gjashtë sa kanë aplikuar për këtë projekt.

Nga gjashtë kompanitë që kanë shprehur interesin për ndërtimin e termocentralit Kosova e re, komiteti drejtues sot i ka përzgjedhur katër sosh, pasi i kanë përmbushur kriteret e parakualifikimit. Ato janë: Konsorciumi Adani Poëer / PT Adani Global nga India dhe Indonesia, konsorciumi AES Electric ltd/Demir Export A.S nga SHBA dhe Turqia, Park Holding nga Turqia dhe konsorciumi PPC/ dhe Contour Global LLP nga Greqia dhe Britania e madhe janë ofertuesit e kualifikuar për ndërtimin e termocentralit të ri.

Ministrja e Energjisë dhe Minierave, Justina Shiroka Pula, tha se qeveria është shumë e kënaqur me interesimin e këtyre kompanive, ndërsa paralajmëroi se deri në fund të prillit pritet të nxjerrin draftin e tenderit, ndërkaq, në korrik do të përfundojnë të gjitha negociatat për përzgjedhjen e kompanisë që do të ndërtojë termocentralin.“Deri në korrik do të përfundojnë të gjitha negociatat për përzgjedhjen e kompanisë që do të ndërtojë termocentralin”, tha Shiroka.

Këshilltari i Transaksionit Mark Hughes, tha se kompanitë e përzgjedhura janë mjaft të suksesshme në fushën e energjisë dhe minierave. Ndërkaq pas rikonfigurimit të projektit nga qeveria e Kosovës, dhe përfshirjen në të edhe të termocentralit Kosova B, ai shfaqi bindjen se projekti do të ketë sukses.

Ndërkaq përfaqësuesi i Bankës Botërore në Kosovës, Ranxhit Najak tha se do të mbështesin këtë projekt, ndërkaq përzgjedhja e katër ofertuesve në listën e ngushtë do të garantojë një proces mjaft konkurrues.

“Tani ka edhe shumë punë për t’u bërë që të përgatisim një transaksion të suksesshëm gjatë muajve të ardhshëm dhe Banka Botërore është në dispozicion dhe do të përkrahë kompletimin e këtij projekti”, tha Najak.

Edhe përfaqësues të Komisionit Evropian dhe të USAID-it, u zotuan se do të vazhdojnë të mbështesin këtë projekt me rëndësi strategjike për Kosovën. Ndërkohë, ministrja Pula theksoi se ende janë duke u marrë me dizajnimin e projektit, detajet e të cilit tha se do t’i publikojnë pas një jave. Ndërkaq u shpreh e bindur se projekti nuk do të dështojë.

Ky projekt  mëqënse ishte parapar që në vitin 2010 të ishte funksional dhe pas ndrrimit të qeverisë para dy vite ka ndryshuar i gjithë projekti duke përfshi edhe vetë emrin e projektit tash është paraparë të ndërtohet ne dy faza, fillimisht 500 megavat, me mundësi të zgjerimit edhe të 500 megavateve tjerë, ndërkaq investitori do të ketë ne dispozicion edhe linjitin nga Miniera e Sibovcit.

Kalendari

Ngjarjet e datës 7 dhjetor 2021 - Zyra e Rregullatorit për Energji organizon konferencën për integrimin e tregut të energjisë elektrike. (Hotel “Swiss Diamond”, ora 9:00)

-  Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjit për ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive të Pavarura. (Ndërtesa e Kuvendit, salla N506, ora 10:00)

- Mbahet ceremonia inauguruese e pranim dorëzimit të detyrës së Kryetarit të Prishtinës ku edhe do të bëhet betimi dhe nënshkrimi i deklaratës solemne për marrjen e detyrës së Kryetarit të ri të Komunës së Prishtinës, Përparim Rama si dhe betimi i anëtarëve të ri të Kuvendit të Komunës së Prishtinës. (Salla e Kuvendit të Komunës së Prishtinës, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N303, ora 10:00)

- Lëvizja FOL në partneritet me Misionin e Bashkimit Evropian për Sundimin e Ligjit në Kosovë bën lansimin e Raportit “Pajisjet elektronike: fokusi në parandalimin e rasteve të dhunës në familje”. (Hotel Emerald, ora 10:00)

-  Komisioni për Buxhet, Punë dhe Transfere shqyrton Projektligjit mbi Ndarjet Buxhetore për Buxhetin e Republikës së Kosovës për vitin 2022. (Ndërtesa e Kuvendit, salla C203, ora 10:00)

- Komuna e Rahovecit organizon shënimin e Ditës së Bibliotekës Komunale “Sulejman Krasniqi”. (Salla e Kuvendit të Komunës së Rahovecit, ora 11:00)

- Me rastin e Ditës së Bibliotekës Komunale “Sulejman Krasniqi” udhëheqes të Komunës së Rahovecit vizitojn shkollën e mesme të lartë  "Heronjtë e Kosovës" në Hoçë të Vogel. (Fshati Hoçë, ora 11:00)

- Qendra për Informim, Kritikë dhe Aksion së bashku me disa organizata të tjera feministe organizon aksion simbolik lidhur me aktgjykimin seksist të Gjykatës Themelore në Gjilan që shfajësoi pesë burra të akuzuar për përdhunim në grup të një vajze 19 vjeçare në vitin 2012. (Para Këshillit Gjyqësor të Kosovës, ora 12:00)

- Komisioni për Ekonomi, Industri, Ndërmarrësi dhe Tregti mban dëgjim publik për Pakon e projektligjeve të pronësisë industriale si Projektligji për topografitë e gjysmëpërçuesve; Projektligji për dizajnin industrial, si dhe projektligji për patentat. (Ndërtesa e Kuvendit, salla N10, ora 13:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton Projektligjin për Odat e Arkitektëve dhe Inxhinierëve në fushën e ndërtimit dhe  planin e performancës për vitin 2022 nga Agjencia për menaxhimin e komplekseve memoriale të Kosovës (Ndërtesa e Kuvendit, salla N302, ora 13:00)