07 Dhjetor 2021

SPEK: Gjukaj është i korruptuar, kërkojmë dorëheqjen e tij

Prishtinë, 7 mars - Drejtues të Sindikatës së Pavarur të Elektrokosovës (SPEK), kanë akuzuar drejtorin menaxhues të KEK-ut, Arben Gjukaj për korrupsion dhe nepotizëm, duke i kërkuar edhe dorëheqje.

Ata gjithashtu kanë kërkuar që shujta për punëtorët e KEK-ut të ngritet në 1.8 euro, që punëtorët të mos punojnë 9 orë në ditë, të mos ketë shtrenjtim të rrymës dhe të mos ketë punësim në mënyrë të parregullt. Ndërsa, kanë paralajmëruar se nëse këto kërkesa nuk plotësohen deri më 11 mars, atëherë janë të gatshëm ta bllokojnë hyrjen e Elektrokosovës.

Në një konferencë për media të dielën, kryetari i SPEK-ut, Lazër Krasniqi, ka thënë se kjo sindikatë ka rreth vetes 2 mijë punëtorë që janë të gatshëm ta bllokojnë hyrjen e Elektrokosovës nëse deri më 11 mars, nuk plotësohen këto kërkesa.

“Rishqyrtimi i rregulloreve për operacione të distriktit të KEK-ut 1,2,3, të aprovuara jashtë ligjit dhe pa pëlqimin e zyrës ligjore në KEK dhe pa pjesëmarrje të SPEK-ut e me të cilat punëtorët largohen nga puna pa procedura të paraparë me rregulloren për përgjegjësinë disiplinore dhe materiale të KEK-ut të aprovuar nga Bordi i Drejtorëve të KEK-ut më 28 gusht 2008, por me procedura arbitrare dhe joligjore, dhe si të tilla janë inekzistente”, ka thënë Krasniqi.

Gjithashtu, sindikalistët kanë akuzuar drejtorin menaxhues të KEK-ut Arben Gjukaj për korrupsion dhe nepotizëm, duke i kërkuar edhe dorëheqje.
 
 

Kalendari

Ngjarjet e datës 7 dhjetor 2021 - Zyra e Rregullatorit për Energji organizon konferencën për integrimin e tregut të energjisë elektrike. (Hotel “Swiss Diamond”, ora 9:00)

-  Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjit për ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive të Pavarura. (Ndërtesa e Kuvendit, salla N506, ora 10:00)

- Mbahet ceremonia inauguruese e pranim dorëzimit të detyrës së Kryetarit të Prishtinës ku edhe do të bëhet betimi dhe nënshkrimi i deklaratës solemne për marrjen e detyrës së Kryetarit të ri të Komunës së Prishtinës, Përparim Rama si dhe betimi i anëtarëve të ri të Kuvendit të Komunës së Prishtinës. (Salla e Kuvendit të Komunës së Prishtinës, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N303, ora 10:00)

- Lëvizja FOL në partneritet me Misionin e Bashkimit Evropian për Sundimin e Ligjit në Kosovë bën lansimin e Raportit “Pajisjet elektronike: fokusi në parandalimin e rasteve të dhunës në familje”. (Hotel Emerald, ora 10:00)

-  Komisioni për Buxhet, Punë dhe Transfere shqyrton Projektligjit mbi Ndarjet Buxhetore për Buxhetin e Republikës së Kosovës për vitin 2022. (Ndërtesa e Kuvendit, salla C203, ora 10:00)

- Komuna e Rahovecit organizon shënimin e Ditës së Bibliotekës Komunale “Sulejman Krasniqi”. (Salla e Kuvendit të Komunës së Rahovecit, ora 11:00)

- Me rastin e Ditës së Bibliotekës Komunale “Sulejman Krasniqi” udhëheqes të Komunës së Rahovecit vizitojn shkollën e mesme të lartë  "Heronjtë e Kosovës" në Hoçë të Vogel. (Fshati Hoçë, ora 11:00)

- Qendra për Informim, Kritikë dhe Aksion së bashku me disa organizata të tjera feministe organizon aksion simbolik lidhur me aktgjykimin seksist të Gjykatës Themelore në Gjilan që shfajësoi pesë burra të akuzuar për përdhunim në grup të një vajze 19 vjeçare në vitin 2012. (Para Këshillit Gjyqësor të Kosovës, ora 12:00)

- Komisioni për Ekonomi, Industri, Ndërmarrësi dhe Tregti mban dëgjim publik për Pakon e projektligjeve të pronësisë industriale si Projektligji për topografitë e gjysmëpërçuesve; Projektligji për dizajnin industrial, si dhe projektligji për patentat. (Ndërtesa e Kuvendit, salla N10, ora 13:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton Projektligjin për Odat e Arkitektëve dhe Inxhinierëve në fushën e ndërtimit dhe  planin e performancës për vitin 2022 nga Agjencia për menaxhimin e komplekseve memoriale të Kosovës (Ndërtesa e Kuvendit, salla N302, ora 13:00)