07 Dhjetor 2021

Punëtori rreth mbrojtjes së biodiversitetit në Dragash


Prishtinë, 2 mars - Programi i Kombeve të Bashkuara për Zhvillim (UNDP) organizon punëtorinë tre ditore ‘Mbrojtja e Biodiversitetit dhe Planifikimi Komunal në Dragash, prej të martës, te enjten, në Hotel Sharri, Prevallë.

Kjo ngjarje mbledh përfaqësues qeveritarë dhe komunal, ekspertë nga UNDP-ja, ekspertë rajonaldhe ndërkombëtar dhe përfaqësues nga shoqëria civile dhe ofron një mundësi për të rishikuar dhe harmonizuar hapat e ardhshëm për mbrojtjen e burimeve natyrore dhe zhvillimit të qëndrueshëm të Komunës së Dragashit.

Gjatë kësaj punëtorie, UNDP do të prezentojë vlerësimet sektoriale (ujit, energjisë, menaxhimit të mbeturinave dhe zhvillimit biznesor) të rreziqeve dhe mundësive për zhvillim lokal, elaborojë platformat e mbrojtjes së Maleve të Sharrit, shkëmbejë përvojat e projekteve të ngjashme nga Slovenia dhe IRJ Maqedonia, diskutojë standardet dhe strategjitë për mbrojtjen e burimeve natyrore dhe të kërkojë mekanizma për zhvillim të mëtutjeshëm të kapaciteteve lokale për menaxhimin e Strategjisë Zhvillimore të Komunës së Dragashit.

Zhvillimi i qëndrueshëm efektiv përfshinë mbrojtjen e biodiversitetit dhe menaxhim të kujdesshëm të burimeve natyrore. Një parakusht esencial për implementim të suksesshëm të planeve për zhvillim të qëndrueshëm është procesi i planifikimit. Për të mundësuar një arritje të tillë është esenciale të fuqizohen mekanzimat e ndërveprimit të vazhdueshëm ndërmjet hisedarëve: përfaqësuesve institucional, sektorit privat dhe shoqërisë civile. Një plan zhvillimi që inkorporon këto shqetësime rreth ambientit stimulon rritjen ekonomike dhe siguron përfitime për komunitetin lokal.

Ky aktivitet është pjesë e projektit të UNDP-së ‘Mbështetje përgatitore për Zhvillim të Qëndrueshem në Dragash i cili ka filluar së zbatuari në vitin 2009 me mbështetje financiare nga Qeveria Finlandeze, dhe ofron mbështetje në menaxhimin, mbrojtjen dhe zhvillin e qëndrueshëm të rajonin alpin të Dragashit. Ky projekt përqëndrohet në zhvillim të ekonomisë lokale dhe zhvillimin e një plani komunal i cili integron mbrojtjen e biodiversitetit dhe zhvillimit lokal.

Komuna e Dragashit përfshin një rajon alpik që kufizohet me IRJ Maqedoninë dhe Shqipërinë dhe një pjesë e konsiderueshme e territorit të saj (22,000 hektarë) është  përcaktuar si Ndërrmarrje me pronësi shoqërore të njohur si ‘Sharrprodhimi’. Zona është nën autoritetin e Agjencisë Kosovare të Privatizimit. Sidoqoftë, metodat tradicionale të privatizimit mund të rezultojnë në mos-shfrytëzim adekuat të burimeve natyrore dhe rrezikojnë të shkatërrojnë ambientin lokal përmes depyllëzimit, ndotjes së burimeve ujore, dhe zhdukjes së florës dhe faunës.

Një konferencë për shtyp do të organizohet të martën, 2 mars, ora 10.00, në prezencë të përfaqesuesve të institucioneve qeveritare, Drejtorit të UNDP-se Z. Parviz Fartash dhe ekspertëve rajonal dhe ndërkombëtar. Intervista me eskpertë mund të aranzhohen duke kontaktuar Zyrën e UNDP-së për Komunikim. 

Kalendari

Ngjarjet e datës 7 dhjetor 2021 - Zyra e Rregullatorit për Energji organizon konferencën për integrimin e tregut të energjisë elektrike. (Hotel “Swiss Diamond”, ora 9:00)

-  Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjit për ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive të Pavarura. (Ndërtesa e Kuvendit, salla N506, ora 10:00)

- Mbahet ceremonia inauguruese e pranim dorëzimit të detyrës së Kryetarit të Prishtinës ku edhe do të bëhet betimi dhe nënshkrimi i deklaratës solemne për marrjen e detyrës së Kryetarit të ri të Komunës së Prishtinës, Përparim Rama si dhe betimi i anëtarëve të ri të Kuvendit të Komunës së Prishtinës. (Salla e Kuvendit të Komunës së Prishtinës, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N303, ora 10:00)

- Lëvizja FOL në partneritet me Misionin e Bashkimit Evropian për Sundimin e Ligjit në Kosovë bën lansimin e Raportit “Pajisjet elektronike: fokusi në parandalimin e rasteve të dhunës në familje”. (Hotel Emerald, ora 10:00)

-  Komisioni për Buxhet, Punë dhe Transfere shqyrton Projektligjit mbi Ndarjet Buxhetore për Buxhetin e Republikës së Kosovës për vitin 2022. (Ndërtesa e Kuvendit, salla C203, ora 10:00)

- Komuna e Rahovecit organizon shënimin e Ditës së Bibliotekës Komunale “Sulejman Krasniqi”. (Salla e Kuvendit të Komunës së Rahovecit, ora 11:00)

- Me rastin e Ditës së Bibliotekës Komunale “Sulejman Krasniqi” udhëheqes të Komunës së Rahovecit vizitojn shkollën e mesme të lartë  "Heronjtë e Kosovës" në Hoçë të Vogel. (Fshati Hoçë, ora 11:00)

- Qendra për Informim, Kritikë dhe Aksion së bashku me disa organizata të tjera feministe organizon aksion simbolik lidhur me aktgjykimin seksist të Gjykatës Themelore në Gjilan që shfajësoi pesë burra të akuzuar për përdhunim në grup të një vajze 19 vjeçare në vitin 2012. (Para Këshillit Gjyqësor të Kosovës, ora 12:00)

- Komisioni për Ekonomi, Industri, Ndërmarrësi dhe Tregti mban dëgjim publik për Pakon e projektligjeve të pronësisë industriale si Projektligji për topografitë e gjysmëpërçuesve; Projektligji për dizajnin industrial, si dhe projektligji për patentat. (Ndërtesa e Kuvendit, salla N10, ora 13:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton Projektligjin për Odat e Arkitektëve dhe Inxhinierëve në fushën e ndërtimit dhe  planin e performancës për vitin 2022 nga Agjencia për menaxhimin e komplekseve memoriale të Kosovës (Ndërtesa e Kuvendit, salla N302, ora 13:00)