27 Janar 2023

Prezantohet gjendja e ujërave dhe licencimi i hidrocentraleve në Kosovë

Prishtinë, 24 qershor - Institucioni i Avokatit të Popullit (IAP) dhe Zyra Kombëtare e Auditimit (ZKA) organizon tryezën e përbashkët “Ujërat, e drejtë e njeriut - mbikëqyrja dhe llogaridhënia”.

Tryeza mbahet me rastin e shënimit të  Ditës Botërore të Mjedisit, dhe ka për qëllim që  Avokati i Popullit dhe Auditorja e Përgjithshme, së bashku me përfaqësues të  institucioneve publike, të organizatave  ndërkombëtare, të shoqërisë civile dhe të  mediave, të diskutojnë për gjendjen, sfidat si dhe për veprimet e autoriteteve për mbrojtjen e ujërave në Kosovë.

Po ashtu në këtë tryezë do të prezantohen gjetjet e Institucionit të Avokatit të Popullit lidhur me gjendjen e ujërave në Kosovë dhe raporti me rekomandime për hidrocentralet, si dhe gjetjet dhe rekomandimet e Auditorit të Përgjithshëm për raportin e auditimit të performancës “Sistemi  i   licencimit dhe monitorimit të Hidrocentraleve”.
 

Kalendari

Ngjarjet e datës 27 janar 2023

 - Mbahet dita e dytë e konferencës Ndërkombëtare për Siguri Siguri Kinernetike “Cyber Zero” në të cilën diskutohet sulmet online dhe kërcenimet në sigurinë kibernetike. (Klan Arena, ora 9:00)
    
- Bordi i Komisionit të Pavarur për Miniera dhe Minerale raporton në Komisionin për Ekonomi, Industri, Ndërmarrësi dhe Tregti lidhur me vendimin për lirimin nga obligimi për rentën minerare për ndërmarrjen “Ferronikeli”. (Kuvendi i Kosovës, C203, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues të OJQ-së “Zëri i Romëve, Ashkalinjve dhe Egjiptasve”. (Kuvendi i Kosovës, salla N10, ora 10:00)
    
- Ministri i Financave Punës dhe Transfereve, Hekuran Murati, raporton në Komisionin për Buxhet, Punë dhe Transfere, lidhur me vendimin për rritjen e vlerës së faturave të tatimit në pronë. (Kuvendi i Kosovës, C203, ora 13:30)
    
- Në Akademinë e Kosovës për Siguri Publike (AKSP) mbahet ceremonia e diplomimit të gjeneratës së 42 të kadetëve të Shërbimit Korrektues të Kosovës (SHKK). Merr pjesë ministrja e Drejtësisë, Albulena Haxhiu etj. (Ndërtesa e re e Fakultetit të Sigurisë Publike në AKSP, Vushtrri, ora 13:30)
    
- Universiteti Publik “Kadri Zeka” në Gjilan do të nderojë me çmimin “Doctor Honoris Causa” anëtarin e Parlamentit Evropian, Lukas Mandl. (Teatri i Qytetit, Gjilan, ora 15:00)