24 Maj 2022

OSBE mbështetë Kosovën në luftën kundër krimeve mjedisore

Prishtinë, 10 dhjetor - Misioni i OSBE-së në Kosovë përmbylli sot trajnimin njëjavor për luftimin e krimeve mjedisore për zyrtarë policorë, prokurorë, gjyqtarë, zyrtarë komunalë dhe përfaqësues të Ministrisë së Mjedisit, Planifikimit Hapësinor dhe Infrastrukturës, si dhe Ministrisë së Bujqësisë, Pylltarisë dhe Zhvillimit Rural.

“Krimet mjedisore, siç janë prerja e paligjshme e pyjeve ose hedhja e mbeturinave të rrezikshme, kanë ndikim në jetën tonë të përditshme, planetin dhe në të ardhmen e fëmijëve tanë. Për t’i luftuar efektshëm krimet e tilla është e nevojshme të kuptojmë natyrën e tyre, të ndërtojmë kapacitete dhe të mësojmë teknika për parandalimin e rrezikut të madh që ato paraqesin për shëndetin tonë, mjedisin dhe prosperitetin ekonomik”, tha Kilian Wahl, Zëvendësshef i Misionit të OSBE-së në Kosovë.

Ky trajnim ka rritur njohuritë e pjesëmarrësve për identifikimin, parandalimin dhe luftimin e krimeve mjedisore. Gjithashtu, janë ngritur aftësitë e tyre për të bashkëpunuar dhe ndërmarrë veprime të përbashkëta dhe të koordinuara kundër krimeve të tilla.

Në seancën përmbyllëse të pranishmëve iu drejtuan Ministri i Mjedisit, Planifikimit Hapësinor dhe Infrastrukturës, Liburn Aliu, si dhe Jan-Axel Voss, Zëvendësshef i Misionit të Ambasadës Gjermane në Prishtinë, dhe Riza Shillova, nga Drejtoria për Planifikim Strategjik në Policinë e Kosovës.  

“Është e rëndësishme të punojmë së bashku ngase duhet të kemi qasje të integruar për të forcuar sistemin për mbrojtjen e ambientit. Nevojiten dy qasje emergjente për të mbrojtur ambientin: e para është luftimi i krimit mjedisor dhe e dyta edukimi i gjeneratave të reja për ruajtjen e ambientit, tha Ministri Aliu.

Misioni i OSBE-së në Kosovë ka për mandat mbrojtjen dhe promovimin e të drejtave të njeriut, demokratizimin dhe zhvillimin e sektorit të sigurisë publike. Misioni do të vazhdojë t’i mbështesë aktivitetet për trajtimin e krimeve mjedisore në vitin 2022.

 

Kalendari

Ngjarjet e datës 24 maj 2022

- Koalicionit për Transparencë dhe Integritet i themeluar dhe mbështetur nga KFOS-i, do të organizojë tryezë me temën “Pazari me tema të diplomës” ku do të diskutohet lidhur me shit-blerjen e temave të diplomës. (Biblioteka Kombëtare Universitare e Kosovës, ora 9:30)

- Komisioni për Mbikëqyrjen e Financave Publike shqyrton raportin e auditimit të performancës “Prokurimi në Korporatën Energjetike të Kosovës” ku të ftuar janë edhe Kryesuesi i Brodit dhe Kryeshefi ekzekutiv i KEK-ut. (Ndërtesa e Kuvendit, salla C203, ora 10:00)

- Komisioni për të Drejtat dhe Interesat e Komuniteteve dhe Kthim shqyrton raportin e Projektligjit për mbrojtjen e ajrit dhe Projektligjin për Akcizën në Produktet e Duhanit. (Ndërtesa e Kuvendit, salla N302, ora 10:00)

- Komisioni për Mjedis, Ushqim, Bujqësi, Planifikim dhe Zhvillim mban dëgjim publik për Projektligjin për Produktet Biocide. (Ndërtesa e Kuvendit, salla N506, ora 10:00)

- Iniciativa për Zhvillimin e Bujqësisë së Kosovës organizon ceremoninë e shpërndarjes së pajisjeve bujqësore, projekt i financuar nga Zyra e Bashkimit Evropian në Kosovë. (Stadiumi i Qytetit në Shtime, ora 10:00)

- Komisioni për Shëndetësi dhe Mirëqenie Sociale shqyrton Projektligjin për ndryshimin dhe plotësimin e Ligjit për Inspektoratin Sanitar të Kosovës dhe Projektligjin për ndryshimin dhe plotësimin e Ligjit për Inspektoratin Shëndetësor. (Ndërtesa e Kuvendit, salla N303, ora 10:00)

- Osman Buleshkaj, konsulent i GIZ prezanton Sistemin e Arsimit Parauniversitar në Kosovë, para Komisioni për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N204, ora 10:00)

- OJQ Aktiv prezanton publikimin “Rekomandime për kornizën e politikave mbi zbatimin e Ligjit për përdorimin e gjuhëve”. (Hotel Sirius, ora 11:00)

- Mbahet debati me temën “Liritë e mediave dhe pozita ekonomike e gazetarëve në Kosovë”. (Qendra Mediale në Çagllavicë, ora 11:00)

- Komisioni për Ekonomi, Industri, Ndërmarrësi dhe Tregti voton raportin vjetor të Komisionit të Pavarur për Miniera dhe Minerale për vitin 2021. (Ndërtesa e Kuvendit, salla N10, ora 11:00)

- Përfaqësuesit e Zyrës së BE-së, të IADK-së dhe të Komunës së Shtimes vizitojnë Florije Bislimin, njëra nga përfitueset e projektit “Mbështetja në punësimin e të rinjve dhe grave në zonat rurale përmes zhvillimit të bujqësisë”. (Fshari Godanc në Shtime, ora 11:40)

- Në kuadër të programit dhe ekspozitës Babylonian Vision të artistes Nora Al-Badri qe qëndron e hapur në Galeria 17 mbahet diskutim me temë "Dekolonializimi i artefakteve. Demokratizimi i muzeve". (Lapidariumi i Muzeut Kombëtar të Kosovës, ora 15:00)

- Kryetari i Komunës, Alban Hyseni, do të marrë pjesë në takimin e organizuar nga Rrjeti i Biznesit të Globit. (Vali Ranch në Gjilan, ora 18:30)