21 Tetor 2021

OJQ-të themelojnë koalicion për të punuar rreth klimës, energjisë dhe mjedisit

Prishtinë, 8 tetor - Organizatat e shoqërisë civile si Institute for Development Policy (INDEP), Group for Legal and Political Studies (GLPS), CNVP Foundation, Sustainability Leadership Kosova (SLK), Qytetarët Aktivë and WWF Adria janë bashkuar dhe kanë themeluar për here të pare në Kosovë grupin Coalition 27, për të punuar së bashku rreth klimës, energjisë dhe mjedisit.

Kosova, po ashtu sikur se edhe vendet tjera të Ballkanit Perendimor të cilat synojnë të bëhen anëtare të BE-së, është e obliguar t'i përmbushë standardet e kërkuara nga Komisioni Evropian.

Përmes marrëveshjes së Stabilizim Asociimit, do të angazhohet në zbatimin e të gjitha reformave që do ta përafrojnë Kosovën në mënyrë progresive me BE-në në të gjitha fushat e politikave, deri në përmbushjen e të gjitha standardeve të BE-së.

Kapitulli 27 (Chapter 27) - Mjedisi dhe ndryshimet klimatike, si një nga kapitujt/standardet që duhet të plotësohen mbulon politikat mjedisore të BE-së te cilat kanë për qëllim të promovojnë zhvillimin e qëndrueshëm dhe mbrojtjen e mjedisit për brezat e tanishëm dhe të ardhshëm.

Zbatimi i këtyre standardeve kërkon angazhim të përkushtuar të institucioneve qendrore dhe lokale, organizatave të shoqërisë civile etj. Prandaj, themelimi i këtij grupi do të ndihmoj Kosovën në përmbushjen e standardeve të kërkuara nga BE.

Andaj, sot do te mbahet takimi zyrtar i këtij grupi ku përveç nënshkrimit të Memorandumit të Bashkëpunimit do të jepet edhe prononcim për media.  

Kalendari

Ngjarjet e datës 22 Tetor 2021 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me shoqaten e Familjeve të Heronjve dhe Dëshmorëve të Kombit për zgjidhjen e statusit të veprimtarëve invalidëve të plagosur para luftës çlirimtare në Kosovë. (Ndërtesa e Kuvendit, salla N10, ora 10:00)

- Shoqata për Teknologji të Informacionit dhe Komunikimit të Kosovës - STIKK organizon edicionin e 10-të të festivalit të teknologjisë “KosICT”. (Ambientet e “ITP Park” në Prizren, ora 10:00)

- Instituti Demokratik i Kosovës organizon konferencën “Ndikimi i dialogut me Serbinë në politikën e jashtme të Kosovës”. (Hotel Emerald, ora 10:30)

-  Komisioni Ad hoc për përzgjedhjen e kandidatëve për anëtar të Bordit të RTK-së shqyrton listën e kandidatëve të propozuar për anëtarë të Bordit të RTK-së. (Ndërtesa e Kuvendit, salla C203, ora 11:00)

- Ministria e Mbrojtjës organizon ceremoninë e betimit të rekrutëve të rijnë. (Kazerma e FSK-së “Skënderbeu” në Ferizaj, ora 11:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit miraton listën e ngushtë të kandidatëve për Drejtor të Agjencisë Kundër Korrupsionit. (Ndërtesa e Kuvendit, salla N204, ora 14:00)

- Mbahet edicioni i trtë i festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, Rruga Xheladin Hana nr. 98, ora 18:30)