20 Shtator 2021

Kompletohet Bordit i Zyrës së Rregullatorit për Energji

Prishtinë, 3 gusht - Kuvendi i Republikës së Kosovës, dje ka zgjedhur kryesuesin dhe dy anëtarë të Bordit të Zyrës së Rregullatorit të Energjisë (ZRRE).

Deputetët e Kuvendit kanë zgjedhur për një mandat pesëvjeçar, për kryesues të Bordit Ymer Fejzullahu dhe për anëtarë Gani Buçaj dhe znj. Lutfie Dervishi.  

Me këtë zgjedhje, është funksionalizuar Bordi i ZRRE-së, i cili përbëhet nga gjithsej 5 anëtarë.  

Bordi gjatë shtatë muajve të fundit, me vetëm dy anëtarë Izet Rushiti, i cili deri më tani ka ushtruar detyrën e kryesuesit dhe Selman Hoti në mungesë të kuorumit të nevojshëm për vendimmarrje, ka qenë jofunksional.

Përderisa pozita e Kryesuesit është plotësuar pas më shumë se pesë vitesh mungese.

Me kompletimin e Bordit prej pesë anëtarësh, Rregullatori është i gatshëm të vazhdojë të ushtrojë rolin e tij të pavarur rregullues, duke u përballur me sfidat e shumta, me qëllim që të krijohet një treg i qëndrueshëm i bazuar në parimet e transparencës dhe konkurrencës së lirë.  

Kalendari

Ngjarjet e datës 20 Shtator 2021 - Kandidatit për kryetar të Malishevës nga radhët e Nismës Socialdemokrate, Ekrem Kastrati takon fermerët në fshatin Bardh.  (Fshati Bardh i Malishevë, ora 9:00)

- Mbahet seanca gjyqësore ndaj të pandehurit Sejdullah Mahmuti për trajtim të pa
ndërgjegjshëm mjekësorë. (Gjykata Themelore në Ferizaj, ora 9:30)

 - Mbahet seanca plenare e Kuvendit të Republikës së Kosovës në të cilën ndër të tjera do të    formohet Komisioni Ad-hoc për përzgjedhjen e kandidatëve për tetë anëtarë nga komuniteti shqiptarë dhe një anëtar nga komuniteti serb në Bordin e RTK-së. (Kuvendi i Kosovës, ora 10:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 10:00)

- Kandidatit për kryetar të Malishevës nga radhët e Nismës Socialdemokrate, Ekrem Kastrati takon fermerët në fshatin Senik. (Fshati Senik i Malishevë, ora 11:00)

- Kandidatit për kryetar të Malishevës nga radhët e Nismës Socialdemokrate, Ekrem Kastrati takon fermerët në fshatin Banjë. (Fshati Banjë i Malishevë, ora 13:00)

- The Balkan Forum organizon konferencën me temë “Jo regjimit të vizave: Koha për të vendosur qytetarët në rend të parë”. (Swiss Diamond Hotel, ora 14:00)