22 Shtator 2021

KEK-u tejkalon planin për gjashtëmujorin e parë të këtij viti

Prishtinë, 30 korrik - Me gjithë sfidat e shumta që i solli pandemia COVID-19, falë angazhimit të punëtorëve dhe menaxhmentit të Korporatës Energjetike të Kosovës është arritur që të tejkalohet plani për gjashtë muajt e parë të këtij viti.

“KEK-u ka arritur këtë vit që të tejkaloj planin e prodhimit të energjisë elektrike për 2%. Në periudhën e njëjtë të vitit të kaluar, është realizuar prodhimi prej 3 milionë e 320 mijë megavat orë energji elektrike, ndërsa këtë vit është prodhuar 3 milionë e 390 mijë megavat orë energji elektrike."

"Gjithashtu sa i përket edhe prodhimit të thëngjillit, është tejkaluar plani për 1%. Në gjashtëmujorin e parë ka qenë planifikuar të prodhohet 4 milionë e 250 mijë tonë thëngjill, ndërsa është realizuar 4 milionë 300 mijë tonë thëngjill, ka thënë Përparim Kabashi, ushtruesi i detyrës së kryeshefit ekzekutiv të KEK-ut.

Gjatë kësaj periudhe KEK-u ka vazhduar të dëshmoj se është faktor stabiliteti në sektorin e energjisë, si dhe njëra ndër shtyllat kryesore të zhvillimit ekonomik të vendit, duke qenë prodhuesi kryesor i energjisë elektrike me të cilën arrihet të mbulohet me 94% konsumi vendor.

Sipas marrëveshjes për Furnizim me Shumicë me tri kompani, KEK-u ka arritur që të ketë sukses edhe në rritjen e sasisë së eksportit të energjisë nga e cila ka pasur edhe rritje të të hyrave.

“Në gjashtëmujorin e parë të këtij viti, janë realizuar të hyra prej 21 milionë euro, që krahasuar me periudhën e njëjtë të vitit të kaluar në të cilën janë realizuar 12 milionë euro, është një rritje prej 74%."

"Vlen të theksohet se çmimi mesatar i eksportit të energjisë elektrike të realizuar në vitin e kaluar ka qenë rreth 24 euro për megavat orë, ndërsa ky çmim gjatë këtij viti, ka qenë rreth 50 euro për megavat orë”, ka thënë tutje ushtruesi i detyrës së kryeshefit ekzekutiv të KEK-ut, Përparim Kabashi.

Ai ka bërë të ditur se është në proces remonti kapital i njësisë A4 të Termocentralit Kosova A dhe që i njëjti do të kthehet në operim brenda shtatorit.

Pastaj është duke u bërë remonti kapital i Ekskavatorit E 9-B, i cili do të përfundoj në javën e dytë të dhjetorit.

Po ashtu në proces janë remontet e rregullta vjetore të njësive gjeneruese të dy termocentraleve TC Kosova A dhe TC Kosova B, të cilat ndihmojnë në operimin më të sigurt të tyre, dhe në realizimin e planeve të prodhimit.
 

Kalendari

Ngjarjet e datës 22 Shtator 2021

- Ministri i Shëndetësisë, Arben Vitia, raporton në Komisionin për Shëndetësi dhe Mirëqenie Sociale për menaxhimin e situatës me Covid-19. (Ndërtesa e Kuvendit, salla N302, ora 10:00)

- Ministria e Mjedisit, Planifikimit Hapësinor dhe Infrastrukturës në bashkë organizim me Komunën e Prishtinës, Policinë e Kosovës, OJQ-të shënojnë “Ditën Ndërkombëtare pa Makina”. (Para ndërtesës së Qeverisë, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton formon grupin punues për Projektligjin për Gjykatën Komerciale, shqyrton raportet e Komisioneve të përhershme  për Projektligjin për ndryshimin dhe plotësimin e Ligjit për përgjegjësinë disiplinore të gjyqtarëve dhe prokurorëve, etj,. (Ndërtesa e Kuvendit, salla N204, ora 10:00)

- Kryetari i Kuvendit të Republikës së Kosovës, Glauk Konjufca, pret në takim kryetaren e Kuvendit të Shqipërisë, Lindita Nikolla. (Kabineti i kryetarit, ora 10:00)

- Mbahet takimi i 203-të i Këshillit Prokurorial të Kosovës. (Përmes formës online, ora 10:00)

- Komisioni për Mbikëqyrjen e Financave Publike shqyrton rekomandimet e dala nga raporti i auditimit të performancës “Parandalimi dhe reagimi i situatave emergjente: Vërshimet”, etj. (Ndërtesa e Kuvendit, salla N10, ora 12:00)

- Komisioni për Buxhet, Punë dhe Transfere shqyrton Raportin vjetor financiar të Agjencisë Kosovare të Privatizimit, raportin vjetor Financiar i Agjencisë Kosovare për Krahasim dhe Verifikim të Pronëssi dhe Raportin vjetor Financiar i Institucionit të Avokatit të Popullit. (Ndërtesa e Kuvendit, salla C203, ora 13:00)

- Komisioni për Mbikëqyrjen e Agjencisë së Kosovës për Inteligjencë bën rishikimin e Planit të punës së Komisionit për sesionin vjeshtor. (Ndërtesa e Kuvendit, salla N302, ora 13:00)

- Instituti Kosovar për Kërkim dhe Zhvillim i Politikave dhe Qendra Kosovare për Studime të Sigurisë në bashkëpunim me Programi i Universitetit Columbia për Ndërtimin e Paqes dhe të Drejtat e Njeriut organizojnë një konferencë me temë 'Sfidat e Kosovës që vijnë Rusia dhe Kina' me Holden Triplett Agjenti Special i FBI -së dhe Drejtor për Kundërzbulimin në Këshillin e Sigurisë Kombëtare, ret. (https://zoom.us/j/98242813908?pwd=cFBiZGdMV3pRTTV3RDJBbTE5UEtVQT09, ora 16:00)