KEK konteston Ivanoviqin
Në një komunikatë për media, KEK thekson se në këtë artikull, Ivanoviç gabimisht thekson se konsumatorët në Kosovën Veriore po furnizohen me energji elektrike nga Kompania Elektroenergjetike e Shtetit Serb - EPS. “Në realitet, KEK-u është i vetmi entitet që është duke furnizuar pjesën përtej lumit Iber me energji elektrike. Për më tej, KEK-u është operatori i vetëm i licencuar i sistemit të distribucionit dhe ofruesi i vetëm publik në tërë territorin e Kosovës.
Asnjë entitet tjetër nuk është i licencuar për të zhvilluar ndonjërën prej këtyre aktiviteteve”, thuhet në komunikatën e KEK-ut. Sipas KEK-ut thelbi i asaj që Ivanovic po e sugjeron - respektivisht që EPS po operon si furnizues në Kosovën Veriore, në secilin rast do të ishte joligjore sipas ligjit të Kosovës dhe BE-së.
